សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ទោ ជួន ណារិន្ទស្នងការនគរបាលខេត្តព្រះសីហនុ បានឲ្យដឹងថា៖ នៅរសៀលថ្ងៃទី៤ ខែតុលា ឆ្នាំ២០១៨ ថ្មីៗ នគរបាលប្រឆាំងគ្រឿងញៀន ស្រុកព្រៃនប់ បានចុះបង្រ្កាបបទល្មើស គ្រឿងញៀនមួយករណី នៅផ្ទះជួលមួយកន្លែង ស្ថិតនៅ ក្រោយវត្តបិតត្រាំង ភូមិពូធឿង ឃុំបិតត្រាំង ស្រុកព្រៃនប់ ខេត្តព្រះសីហនុ ក្បែរតំបន់រោងចក្រសេដ្ឋកិច្ចពិសេស ឃុំ បិតត្រាំង ។
នគរបាលបានឃាត់ខ្លួនជនសង្ស័យម្នាក់ឈ្មោះ ជន រ៉ូ ភេទប្រុស អាយុ ២៤ឆ្នាំ មុខរបរមិនពិតប្រាកដ ព្រមទាំងចាប់យកបាន ម្សៅក្រាមពណ៌សថ្លា សង្ស័យជាសារធាតុញៀនចំនួន៩កញ្ចប់ (៦កញ្ចប់ធំ និង ៣កញ្ចប់តូច ) និងទូរស័ព្ទដៃ៣គ្រឿង ។
ករណីនេះកម្លាំងជំនាញ កំពុងបន្តតាមនីតិវិធី ៕ ឆ្លាម សមុទ្រ
