សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់បើករថយន្តដឹកបន្លែ ផ្លែឈើពេញ ជ្រុលចង្កូតទៅបុកបង្កាន់ដៃស្ពានលេខ៤ របួសធ្ងន់ ស្រាល ប្រុស ស្រី៤នាក់ ចំណែករថយន្តបង្ករងការខូចខាតមួយកំណាត់មុខ ស្ទើរទាំងស្រុងទៅមុខលែងរួច ។
ហេតុការណ៍នេះ កើតឡើងកាលពីម៉ោង៤និង៣០នាទីទៀបភ្លឺ ថ្ងៃទី១៣ ខែតុលា ឆ្នាំ២០១៨ ស្ថិតនៅតាមបណ្តោយផ្លូវជាតិលេខ៦ ចំណុចស្ពានលេខ៤ ភូមិបាក់ខែង សង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ ។
រថយន្តបង្ករម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ កំពង់ចាម 2A 9044 រងការខូចមួយកំណាត់មុខស្ទើរទាំងស្រុង រីឯបង្កាន់ដៃស្ពាន រលំបង្គោល២របើក និងវៀចដែកបង្កាន់ដៃស្ពាន។ ចំណែកឯអ្នកបើក និងអ្នករួមដំណើរដែលរងរបួសធ្ងន់ស្រាលប្រុសស្រីទាំង៤នាក់ មិនត្រូវបានស្គាល់ឈ្មោះនោះទេ ។
ប្រភពព័ត៌មាននៅកន្លែងកើតហេតុបានឲ្យដឹងថា មុនពេលកើតហេតុ គេឃើញបុរសម្នាក់បើករថយន្តមួយគ្រឿងដឹកបន្លែផ្លែឈើពេញរថយន្ត ធ្វើដំណើរតាមបណ្តោយផ្លូវជាតិលេខ៦ ក្នុងទិសដៅពីទៅត្បូងទៅជើង ខណៈមកដល់ចំណុចកើតហេតុ រថយន្តបានជ្រុលចង្កូតទៅបុកបង្កាន់ដៃស្ពានបណ្តាលឲ្យរងការខូចខាត ចំណែករថយន្តខូចខាតកំណាត់មុខស្ទើរទាំងស្រុងទៅមុខលេងរួច អ្នកបើកបរ និងអ្នករួមដំណើរប្រុសស្រី៤នាក់របួសធ្ងន់៣នាក់ស្រាល់ម្នាក់ ។
បន្ទាប់ពីកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ បានទំនាក់ទំនងទៅសមត្ថកិច្ចជំនាញចរាចរស្ទូចយករថយន្តបង្កទៅរក្សាទុកនៅការិយាល័យចរាចរផ្លូវគោករាជធានីភ្នំពេញរង់ចាំការដោះស្រាយគ្នានៅពេលក្រោយ ៕ ជ្រោយពេជ្រ
