សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ថ្ងៃទី១៧ ខែតុលា ឆ្នាំ២០១៨ វេលាម៉ោង៣និង៣០នាទីរសៀល ចំណុចផ្ទះលេខB៧៦ផ្លូវបេតុង ក្រុមទី១៥ ភូមិបឹងសាឡាង សង្កាត់ឫស្សីកែវ កំលាំងល្បាតខណ្ឌ និងប៉ុស្តិ៍បានបានឮសំឡេងស្រែកឲ្យជួយ ពេលនោះកម្លាំងបានអន្តរាគមន៍ឈានទៅឃាត់ខ្លួនជនសង្ស័យដែលកំពង់ធ្វើសកម្មភាព លួចម៉ូតូ បាន១នាក់ ក្នុងចំណោមបក្ខពួកពីរនាក់ ។
ជនសង្ស័យ ១/ឈ្មោះរឿន ទីយ៉ា ហៅយ៉ា ភេទប្រុស អាយុ ២៥ឆ្នាំ ទីលំនៅ មុខរបរ មិនពិិតប្រាកដ ជាមុខសញ្ញាចាស់ (ប្រើប្រាស់សារធាតុញៀន)។ ២/ឈ្មោះឈឹម វាសនា ភេទប្រុសអាយុ៣១ឆ្នាំ(រត់គេចខ្លួន) ។ ចំណែកជនរងគ្រោះឈ្មោះ កៅ ណាវី ភេទប្រុស អាយុ៤៣ឆ្នាំ មានទីលំនៅផ្ទះលេខB៧៦ ផ្លូវបេតុងក្រុមទី១៥ ភូមិបឹងសាឡាង សង្កាត់ឫស្សីកែវ មុខរបរយោធា ។
សម្ភារដកហូត ៖ ម៉ូតូម៉ាកC១២៥ ស៊េរី ឆ្នាំ២០០៨ ពណ៌ខ្មៅ ពាក់ស្លាកលេខ ភ្នំពេញ ១AF៤០១៣, កង់មួយគ្រឿង ជាមធ្យោបាយ, ទុយណឺវីស ០១ដើម, កូនសោម៉ូតូ១ និងដែកទីបជ្រុងមួយកំណាត់ ។
ក្រោយបង្ក្រាបបានជនសង្ស័យ សមត្ថកិច្ចបានប្រគល់ម៉ូតូជូនជនរងគ្រោះដែលជាម្ចាស់ដើមវិញ។
បច្ចុប្បន្នជនសង្ស័យ ត្រូវកម្លាំងជំនាញខណ្ឌ កំពុងសាកសួររកបក្ខពួកបន្ថែម និងកសាងសំណុំរឿងបញ្ជូ តាមនីតីវិធី ៕ អារុណរះ
