លោកដូណាល់ ត្រំា មានការគាំទ្រកើនឡើងពេលបោះឆ្នោតពាក់កណ្តាលអាណត្តិជិតមកដល់

សារព័ត៌មាន Sputnik នៅព្រឹកថ្ងៃចន្ទ ទី២២ ខែតុលា ឆ្នាំ២០១៨ បានផ្សាយថា ប្រជាប្រិយភាពរបស់ប្រធានាធិបតីអាមេរិក លោក ដូណាល់ ត្រាំ នៅមុនការបោះឆ្នោតពាក់កណ្តាលអាណត្តិ ដែលនឹងប្រព្រឹត្តទៅនាខែវិច្ឆិកាខាងមុខនេះ ត្រូវគេមើល ឃើញថា មានអត្រាខ្ពស់ជាងកម្រិតប្រជាប្រិយភាព របស់អតីតប្រធានាធិបតីអាមេ រិកលោក បារ៉ាក់ អូបាម៉ា នៅមុនការបោះឆ្នោតសភាពាក់កណ្តាលអាណត្តិកាលពីឆ្នាំ២០១០។

យោងតាមការស្ទង់មតិថ្មីៗនេះ ដោយ សារព័ត៌មាន The Wall Street Journal បានបង្ហាញថា កម្រិតប្រជាប្រិយភាពរបស់ លោក ត្រាំ ទទួលបាន ៤៧ភាគរយ ខណៈ លោក អូបាម៉ា ក្នុងការស្ទង់មតិស្រដៀងគ្នានេះទទួលបាន ៤៥ភាគរយ នៅមុនការ បោះឆ្នោតខែតុលា ឆ្នាំ២០១០។

កាលនោះកម្រិតប្រជាប្រិយភាពរបស់លោក អូបាម៉ា គឺជាអត្រាទាបបំផុត នៅ មុនការបោះឆ្នោតពាក់កណ្តាលកាលពីខែតុលា ឆ្នាំ២០១០ ដែលគណបក្សប្រជាធិប តេយ្យ បានបាត់បង់អាសនៈក្នុងចំនួនច្រើនគួរសម ទាំងនៅក្នុងសភាតំណាងរាស្រ្ត និងព្រឹទ្ធសភា។

គួរជម្រាបថា ការបោះឆ្នោតនាខែវិច្ឆិកាខាងមុខនេះ ត្រូវបានគេមើលឃើញថា ប្រៀបដូចការធ្វើប្រជាមតិមួយ ដើម្បីវាយ តម្លៃទៅលើលោក ដូណាល់ ត្រាំ និងទៅ លើការដឹកនាំរយៈពេល ២ឆ្នាំមកនេះរបស់ លោក៕ ម៉ែវ សាធី