សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ សមត្ថកិច្ចបានប្រាប់ឲ្យដឹងថានៅថ្ងៃទី២៣ ខែតុលា ឆ្នាំ២០១៨ វេលាម៉ោង២១និង៤០នាទី មានករណីហិង្សា ក្នុងគ្រួសារមួយកើតឡើងនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។
ករណីនេះកើតឡើងរវាងប្រពន្ធឈ្មោះហឿន សុធា ភេទស្រី អាយុ២១ឆ្នាំ មានទីលំនៅបច្ចុប្បន្នស្នាក់នៅបណ្ដោះអាសន្ន ផ្ទះជួល ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ មុខរបរ កម្មករ បានប្រើកាំបិតចិតបន្លែចាក់ទៅលើប្ដី ឈ្មោះវ៉ា ចាន់ធារិទ្ធ អាយុ២៥ឆ្នាំ មានទីលំនៅដូចគ្មានិង ធ្វើកម្មករដូចគ្នា ត្រូវចុងដង្ហើម របួសធ្ងន់ បញ្ជូនទៅពេទ្យបង្អែកខេត្តព្រះសីហនុ ។
បើតាមសមត្ថកិច្ចបញ្ជាក់ថា មូលហេតុ ប្ដីមកពីផឹកស៊ីស្រវឹង ហើយបានរករឿងឈ្លោះជាមួយប្រពន្ធ ប្រតាយប្រតប់គ្នា ប្រពន្ធ ក៏យកកាំបិតចាក់តែម្ដង ។
ករណីនេះសមត្ថកិច្ចកំពុងដោះស្រាយតាមនីតិវិធី៕ ឆ្លាម សមុទ្រ
