សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ រថយន្តដឹកទំនិញពាក់ស្លាកលេខ ភ្នំពេញ2D-0453 បានបង្ករគ្រោះថ្នាក់ដល់អាយុជីវិតក្មេងប្រុសម្នាក់រហូតបាត់បង់ជីវិតបែកក្បាលចេញខួរមកក្រៅ និងត្រូវជាឪពុករងរបួសធ្ងន់កំពុងសម្រាកព្យាបាលនៅមន្ទីរពេទ្យបង្អែក ខេត្ត ។
ហេតុការណ៍គ្រោះថ្នាក់នេះ បានកើតឡើង រវារថយន្តបុកជាមួម៉តូយ៉ាងពេញទំហឹងតែម្តង នៅវេលាម៉ោង១១ និង៥៨នាទីព្រឹក ថ្ងៃទី២៧ ខែតុលា ឆ្នាំ២០១៨ ត្រង់ចំណុចផ្លូវបំបែកជាបួនទល់មុខការ៉ាសសាំងប្រេងយើង (តាសឿន) ក្នុងភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី ។
តាមប្រភពពីបានឲ្យដឹងថា ជនរងគ្រោះបើកបរម៉ូតូមាកម៉ាកហ្វីណូមួយគ្រឿង ដឹកគ្នាពីរនាក់ឪពុក និងកូន ក៏ជួបគ្រោះថ្នាក់ដ៏រន្ធត់នេះតែម្តង ។
ប្រភពបន្តថា ជនរងគ្រោះជាឪពុកមានឈ្មោះ ហាន់ ជាអាយុ៣៦ឆ្នាំ មុខរបរជាងសំណង់រងរបួសធ្ងន់ធ្ងរ ហើយកុមារម្នាក់ត្រូវជាកូនមានឈ្មោះ ពៅ ភេទប្រុស អាយុ៩ឆ្នាំ បាន បែកលលាដ៍ក្បាលស្លាប់ភ្លាមៗ នៅកន្លែងកើតហេតុនោះតែម្តង ។
ក្រោយកើតហេតុអ្នកបើកបររថយន្តុបើករត់គេចបន្តិចរួច ហើយយករថយន្តទៅទុកប្លុងចោល ក៏រត់គេចខ្លួនបាត់ស្រមោលភ្លាមៗផងដែរ ។
សមត្ថកិច្ចជំនាញបានស្គាល់អត្តសញ្ញាណរួចហើយ កំពុងស្រាវជ្រាវឲ្យជនបង្កចូលខ្លួមកដោះស្រាយតាមផ្លូវច្បាប់ផងដែរ ៕ ជីវ័ន្ត
