សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅវេលាព្រឹក ម៉ោង ៧និង៣០ ថ្ងៃព្រហស្បតិ៍ ៨រោច ខែអស្សុជ ឆ្នាំច សំរិទ្ធិស័ក ព.ស ២៥៦២ ត្រូវនឹង ថ្ងៃទី ០១ ខែ វិច្ឆិកា ឆ្នាំ ២០១៨។
លោក ឌី រត្ន័ខេមរុណ អភិបាលរង ខណ្ឌមានជ័យ បានអញ្ជើញជាអធិបតី ក្នុងពិធីបើកបវេសនកាល និង ទិវាគ្រូបង្រៀនឆ្នាំសិក្សា ២០១៨-២០១៩ និង អានសារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែល បានរៀបចំឡើង នៅសាលាបឋមសិក្សាសន្សំកុសល ដែលមានសិស្សសរុបចំនួន ២២៤៤ នាក់ ស្រី ១១៤៤ នាក់ លោកគ្រូ អ្នកគ្រូ សរុបចំនួន ៦២ នាក់ ស្រី ៥១ នាក់ ស្ថិតក្នុងភូមិ សន្សំកុសល សង្កាត់បឹងទំពន់ទី១ ខណ្ឌមានជ័យ ដោយមានការចូលរួមពីសមាជិក ក្រុមប្រឹក្សា សង្កាត់បឹងទំពន់ទី១ គណ:នាយក បឋមសិក្សាសន្សំកុសល អ្នកគ្រូ លោកគ្រូ ប្អូនៗសិស្សានុសិស្ស សប្បុរសជន និង អាណាព្យាបាលសិស្សច្រើនកុះករក្នុងពិធីនាព្រឹកនេះដែរ ។
បន្ទាប់មក លោក ឌី រត្ន័ខេមរុណ អភិបាលរងខណ្ឌមានជ័យ ក៏បានអានសារលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងឱកាសពិធីបវេសនកាល និង ទិវាគ្រូបង្រៀនឆ្នាំសិក្សា ២០១៨-២០១៩ រួចមក ក៏បានឩបត្ថម្ភ ដល់នាយក សាលាបឋមសិក្សាសន្សំកុសល ចំនួន ៣០ ម៉ឺនរៀល លោក សួស សារិនចៅសង្កាត់បឹងទំពន់ទី១ ២០ ម៉ឺនរៀល សរុប ៥០ ម៉ឺនរៀល សម្រាប់ទ្រទ្រង់នូវការជួសជុលបរិវេណសាលា និង សម្ភារសិក្សាមួយចំនួន សម្រាប់ផ្តល់ជូន សិស្សានុសិស្សដែលបាន ជាប់ចំណាត់ថ្នាក់ បន្ថែម ទៀតផងដែរ ៕ តាឡឹម
