សារព័ត៌មាន នគរវត្ត តែងតែនាំមុខគេជានិច្ច
ហេតុការណ៍នេះបានកើតឡើងកាលពីវេលាម៉ោង១២និង១០នាទី ថ្ងៃទី២ ខែវិច្ឆិកា ឆ្នាំ២០១៨ នៅចំណុចមុខសាលាសង្កាត់ចោមចៅទី៣ តាមបណ្តោយផ្លូវជាតិលេខ៤ ស្ថិតក្នុងភូមិថ្នល់បំបែក សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញរថយន្តកូរ៉េ ពណ៌សពាក់ស្លាកលេខភ្នំពេញ2M 8041 បើកបរដោយបុរសម្នាក់ធ្វើដំណើរតាមបណ្តោយផ្លូវបេតុងចេញពីច្រសាលារៀនសុវណ្ណភូមិ ក្នុងទិសដៅពីត្បូងទៅជើង ហើយបានឆ្លងផ្លូវជាតិលេខ៤ ស្រាប់តែមានរថយន្តកុងតឺន័រមួយគ្រឿងធ្វើដំណើតាមបណ្តោយផ្លូវជាតិលេខ៤ ក្នុងទិសដៅពីកើតទៅលិចក៏បានកៀរចំថ្ពាល់រថយន្តកូរ៉េខាងស្តាំ ហើយបានរេចង្កូតទៅបុករបាំងថ្មពុះចែកទ្រូងផ្លូវបណ្តាលឲ្យគៀបជាប់រងការខូចខាតអស់មួយកង់ ។
សាក្សីដដែលបានបន្តថា ភ្លាមនោះរថយន្តកុងតឺន័របានបើកគេចខ្លួនបាត់ ។
ក្រោយកើតហេតុសមត្ថកិច្ចបានចុះមកដល់ចំណុចកើតហេតុវាស់វែងយកទៅរក្សាទុកនៅការិយ៉ាល័យចរាចរណ៍ជើងគោករាជធានីភ្នំពេញរង់ចាំដោះស្រាយតាមច្បាប់ ៕ សុខាសែនជ័យ
