សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ត្រី ស៊ុន សុផាត ស្នងការរងទទួលផែន ប្រឆាំងបទល្មើស បានឲ្យដឹងថាៈ ថ្ងៃទី១ និង ទី២ ខែវិច្ឆិកា ឆ្នាំ២០១៨ កន្លងទៅនេះ នគរបាលប្រឆាំងគ្រឿងញៀន ខេត្តព្រះសីហនុ សហការជាមួយកម្លាំងអធិការដ្ឋាននគរបាលក្រុងព្រះសីហនុ បង្រ្កាបបទល្មើសគ្រឿងញៀន បានចំនួន៦ករណី ឃាត់ខ្លួនជនសង្ស័យ ចំនួន៧នាក់ សុទ្ធតែ ជាជនជាតិចិន និង ចាប់បានថ្នាំញៀនជាច្រើនកញ្ចប់ ដែលក្នុងនោះ៖
ករណីទី១, នៅវេលាម៉ោង៣ជិតភ្លឺ ថ្ងៃទី១ ខែវិច្ឆិកា ឆ្នាំ២០១៨ ចាប់ខ្លួនជនជាតិចិនម្នាក់ នៅមុខផ្សារលេីក្រុង ឈ្មោះ Wu Yin Chang អាយុ៣០ឆ្នាំ មុខរបរ ចុងភៅ ដកហូតបាន ម្សៅក្រោមពណ៌ស សង្ស័យជាសារធាតុញៀនចំនួន៣ កញ្ចប់ ។
ករណីទី២,ថ្ងៃទី១ ខែវិច្ឆិកា ឆ្នាំ២០១៨ វេលាម៉ោង៤និង១០ នាទី ស្ថិតនៅ ភូមិ៤ សង្កាត់លេខ៤ ម្តុំតោ២ ឃាត់ខ្លួនជនសង្ស័យ១នាក់ ឈ្មោះ Fan Yong ជនជាតិចិន អាយុ៣០ឆ្នាំ មុខរបរមិនពិតប្រាកដ ដកហូតបាន ម្សៅក្រោមពណ៌សថ្លាសង្ស័យជាសាធាតុញៀនចំនួន ២ កញ្ចប់ ជញ្ចីងថ្លឹងថ្នាំ ១ និង ទូស័ព្ទ ២គ្រឿង។
ករណីទី៣,ថ្ងៃទី១ ខែវិច្ឆិកា ឆ្នាំ២០១៨ ម៉ោង១៩ និង១៥ នាទីស្ថិតនៅ ក្រុម២ ភូមិ៤ សង្កាត់លេខ៤ ក្រុងព្រះសីហនុ ឃាត់ខ្លួនជនសង្ស័យបានចំនួន២នាក់៖ ១.ឈ្មោះ Li QUi Zhi ជនជាតិ ចិន អាយុ២៦ឆ្នាំ មុខរបរមិនពិតប្រាកដ ដកហូតបាន ម្សៅក្រោមពណ៌សថ្លា សង្ស័យជាសាធាតុញៀន៩កញ្ចប់ និង ថ្នាំគ្រាប់ WY ១ កញ្ចប់ (៥គ្រាប់) ទូរស័ព្ទ ១គ្រឿង។ ២.ឈ្មោះ Xia zhuo ជនជាតិចិន អាយុ២០ឆ្នាំ មុខរបរមិនពិតប្រកដ ចាប់បានថ្នាំញៀន ២ កញ្ចប់តូច ទូរស័ព្ទ ២គ្រឿង និងរថយន្ត ១គ្រឿង។
ករណីទី៤,ថ្ងៃទី១ ខែវិច្ឆិកា ឆ្នាំ២០១៨ ម៉ោង ១៩និង ៥៥ នាទីស្ថិតនៅ ក្រុម៩ ភូមិ១ សង្កាត់លេខ៣ក្រុងព្រះសីហនុ ឃាត់ខ្លួន ជនសង្ស័យម្នាក់ទៀត ឈ្មោះ Aa Dong ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ១ កញ្ចប់តូច និង ថ្នាំគ្រាប់ WY ១ គ្រាប់ ។
ករណីទី៥, ថ្ងៃទី១ ខែវិច្ឆិកាឆ្នាំ២០១៨ ម៉ោង ២១និង៣៥នាទីស្ថិតនៅ ក្រុម៩ ភូមិ១ សង្កាត់លេខ៣ ឃាត់ខ្លួនជនសង្ស័យ១ នាក់ ឈ្មោះ Lei Lin ជនជាតិចិន អាយុ៣០ឆ្នាំ មុខរបរមិនពិតប្រាកដ ដកហូតបានថ្នាំញៀន ២ កញ្ចប់ ។
ករណីទី៦,ថ្ងៃទី២ ខែវិច្ឆិកា ឆ្នាំ២០១៨ វេលាម៉ោង១និង២០នាទី ស្ថិតនៅ ក្រុម១២ ភូមិ២ សង្កាត់លេខ២ ឃាត់ខ្លួនជនសង្ស័យ១ នាក់ ឈ្មោះ Yiang Lin Fei ជនជាតិចិន អាយុ២៨ ឆ្នាំ មុខរបរ មិនពិតប្រាកដ ចាប់យកបានថ្នាំញៀន ៦ កញ្ចប់។
ជនជាតិចិនប្រព្រឹត្តិបទល្មើសគ្រឿងញៀន ទាំង៧នាក់ខាងលេី នេះសមត្ថកិច្ចជំនាញបាន កសាងសំណុំរឿង តាមនីតិវិធី បញ្ជូនទៅសាលាដំបូងខេត្ត ដើម្បីចាត់ការតាមនិតិវិធីច្បាប់ ៕ ឆ្លាម សមុទ្រ
