សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសពីរនាក់ជិះម៉ូតូមួយគ្រឿងម៉ាក MSX ឌុបគ្នាឆ្លងកាត់ផ្លូវបំបែកជាបួនត្រូវរថយន្តកូរ៉េធន់តូចមួយគ្រឿងដឹកហ្គាស បើកបុកពេញទំហឹងកៀបម៉ូតូជាប់ក្រោមរថយន្ត អូសជាង៥០០ម៉ែត្របណ្តាលឲ្យ បុរសម្នាក់ជានាក់បើកម៉ូតូរងរបួសធ្ងន់ និងម្នាក់ទៀតរងរបួសស្រាល ។
ហេតុការណ៍នេះដែរ បានកើតឡើងកាលពីវេលាម៉ោង២២និង១៥នាទីយប់ថ្ងៃទី៦ ខែវិច្ឆិកា នៅតាមបណ្តោយផ្លូវ៣៧៤កែងនិងផ្លូវ១៧៣ ស្ថិតក្នុងសង្កាត់ទួល ស្វាយព្រៃ២ខណ្ឌចំការមន រាជធានីភ្នំពេញ ។
រថយន្តបង្ក ជាប្រភេទរថយន្តកូរ៉េដឹកហ្គាសធន់តូច ពណ៌ស ពាក់ស្លាកលេខភ្នំពេញ ព្រះសីហនុ 2A 8375 បើកបរដោយបុរស2នាក់ ចំណែកម៉ូតូរងគ្រោះម៉ាក MSX ពណ៌សលាយខ្មៅ ពាក់ស្លាកលេខភ្នំពេញ 1FA:4096 បើកបរដោយបុរស2នាក់ ដូចគ្នា រងរបួសធ្ងន់ម្នាក់ និងស្រាលម្នាក់ ។
តាមប្រភពព័ត៌មានពីរជនរងគ្រោះបានប្រាប់ឲ្យដឹងថា មុនកើតហេតុ គឺ ពួកគាត់បានជិះម៉ូតូមួយគ្រឿងជាមួយមិត្តភ័ក្ដិតាមបណ្ដោយផ្លូវ១៧៣ ទិសដៅពីកើតទៅលិច ពេលមកដល់ចំនុចផ្លូវបំបែកជាបួនស្រាប់ តែរថយន្តបង្កខាងលើ បើកតាមផ្លូវ៣៧៤ ឆ្លងកាត់ផ្លូវ១៧៣ទិសដៅពីត្បូងទៅជើងមកបុកចំពាក់កណ្តាលផ្លូវ ក៏បុកម៉ូតូជនរងគ្រោះពេញទំហឹងបណ្តាលឲ្យប៉ើងអ្នកទាំងពីរបោកផ្ទប់នឹងកញ្ចក់រថយន្ដរងបួសសន្លប់ស្តូកស្តឹង និងម្នាក់ទៀត រលាត់ដៃជើងចេញឈាមរងរបួសស្រាល ចំណែកម៉ូតូកៀបជាប់ក្រោមរថយន្តអូសប្រហែល៥០០ម៉ែត្រ ខូចខាតស្ទើរតែទាំងស្រុង ។
ភ្លាមៗបន្ទាប់ពីកើតហេតុជនរងគ្រោះ ត្រូវបានរថយន្ដសង្គ្រោះ គ្លីនិកឯកជន ដឹកយកទៅសង្គ្រោះនៅមន្ទីរពេទ្យ ចំណែកឯម៉ូតូរងគ្រោះ និងរថយន្តបង្កត្រូវកម្លាំងសមត្ថកិច្ចមូលដ្ធាន ប្រគល់ទៅឲ្យសមត្ថកិច្ចជំនាញចរាចរណ៍ផ្លូវគោកនៃស្នងការដ្ធាន នរគរបាលរាជធានីភ្នំពេញ វាស់វែង និងយកទៅរក្សាទុកបណ្តោះអាសន្ន រង់ចាំដោះស្រាយគ្នានៅពេលក្រោយ៕ ភារ៉ា ដង្កោ
