សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ កាលពី រសៀល ថ្ងៃទី២១ ខែវិច្ឆិកា ឆ្នាំ២០១៨ នៅផ្លូវចំណោត លោកយាយម៉ៅ ស្ថិតក្នុងភូមិ៣ សង្កាត់លេខ១ ក្រុងព្រះសីហនុ មានគ្រោះថ្នាក់ចរាចរណ៍រថយន្តដឹកឧបករណ៍ខួងអណ្ដូងធុនធំមួយគ្រឿងពាក់ស្លាកលេខ ព្រះសីហនុ 3A-0543 ដែលតាមការអះអាងពីសមត្ថកិច្ចថា រថយន្តនេះបើកលឿនពេលជួបឧបសគ្គ (គេចម៉ូតូ ) ក៍ជ្រុលចង្កូតមកខាងស្ដាំដៃ ធ្លាក់ប្រឡាយបណ្តាលឲ្យក្រឡាប់ ។
សមត្ថកិច្ចបញ្ជាក់ថា គ្រោះថ្នាក់នេះបណ្ដាលឲ្យរងរបួស មនុស្សចំនួន ៣នាក់ ៖ ១.ឈ្មោះ ឌី ភេទប្រុស អាយុ៣០ឆ្នាំ អ្នកបើកបរ ២.ឈ្មោះ អ៊ុំ សាវុន ភេទប្រុស អាយុ៣៣ឆ្នាំ កម្មករខួងអណ្ដូង និង៣.ឈ្មោះ វី ភេទប្រុស អាយុ៣៥ឆ្នាំ កម្មករខួងអណ្ដូង អ្នកទាំងបីស្នាក់នៅក្នុងភូមិ១ សង្កាត់លេខ១ ក្រុង/ខេត្តព្រះសីហនុ ៕ ឆ្លាម សមុទ្រ
