សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖បុរសជនជាតិចិនម្នាក់ដែលគេសង្ស័យថាស្រវឹងស្រាខ្លាំង បានបើករថយន្តកាមរីឆ្លាមពាក់ស្លាកលេខខេមរភូមិន្ទទៅបុករបាំងថ្មចែកទ្រូងផ្លូវបណ្តាលឲ្យវៀច១កង់និងធ្វើឲ្យរថយន្តខ្ទេចផ្នែកខាងមុខទៅមុខលែង រួច ។
ហេតុការណ៍នេះកើតឡើងកាលពីវេលាម៉ោងជាង១២យប់រំលងអធ្រាត្រឈានចូលថ្ងៃពុធ ៦រោច ខែកក្តិក ឆ្នាំ ច សំរឹទ្ធិស័ក ព.ស.២៥៦២ ត្រូវនឹងថ្ងៃទី២៨ខែវិច្ឆិកាឆ្នាំ២០១៨ស្ថិតនៅចំណុចមុខអាកាសយានដ្ឋានអន្តរជាតិភ្នំពេញ តាមបណ្តោយផ្លូវសហពន្ធ័រុស្សី ក្នុងសង្កាត់កាកាប២ ខណ្ឌពោធិសែនជ័យ ។
តាមប្រភពព័ត៌មានពីកន្លែងកើតហេតុបានឲ្យដឹងថាមុនកើតហេតុគេឃើញបុរសជនជាតិចិនម្នាក់វ័យជាង៣០ឆ្នាំសង្ស័យស្រវឹស្រាខ្លាំងបានបើករថយន្តកាមរីឆ្លាមមួយគ្រឿងពណ៌ត្រេអ៊ីពាក់ស្លាកលេខខេមរភូមិន្ទ09-2-8500ធ្វើដំណើរតាមបណ្តោយមហាវិថីសហព័ន្ធរុស្ស៊ីទិសដៅពីកើតទៅលិច៊លុះមកដល់ចំណុចកើតហេតុខាងលើបានរេចង្កូតទៅបុករបាំងថ្មចែកទ្រូងផ្លូវពេញទំហឹងបណ្តាលឲ្យរថយន្តខូចខាតផ្នែកខាងមុខយ៉ាងដំណំ ។
ចំណែករបាំថ្មចែកទ្រូងផ្លូវវៀច១កង់បន្ទាប់មកម្ចាស់រថយន្តបង្កបានបើកទ្វារចេញពីរថយន្តគេចខ្លួនបាត់បន្សល់រថយន្តនៅនឹងកន្លែងកើតហេតុតែម្តង ។
ក្រោយកើតហេតុសមត្ថកិច្ចនគរបាលមូលដ្ឋានបានចុះមកដល់កន្លែងកើតហេតុបានទំនាក់ទំនងទៅសមត្ថកិច្ចជំនាញចុះមកធ្វើការវាស់វែងយករថយន្តបង្កទៅរក្សាទុកនៅការិយាល័យនគរបាលចរាចរណ៍ផ្លូវគោករាជធានីភ្នំពេញរង់ចាំដោះស្រាយគ្នាទៅតាមផ្លូវច្បាប់ពេលក្រោយ៕ ប្រាថ្នា
