សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ មិនដឹងមូលហេតុសុខៗសិស្សានុសិស្សប្រមាណជា៦៧នាក់នៅវិទ្យាល័យថ្មគោល បានដួលសន្លប់ជាបន្តបន្ទាប់បង្កការភ្ញាក់ផ្អើលត្រូវបានដឹកបញ្ជូនទៅសង្គ្រោះបន្ទាន់នៅមន្ទីរពេទ្យ។
ហេតុការនេះកើតឡើងនៅរសៀលថ្ងៃទី០៧ ខែធ្នូ ឆ្នាំ២០១៨ នៅវិទ្យាល័យថ្មគោល ស្ថិតក្នុងស្រុកថ្មគោល ខេត្តបាត់ដំបង។
គេនៅមិនទាន់មូលហេតុពិតក្នុងករណីដែលនាំអោយសិស្សសាលាទាំងនោះដួលសន្លប់នៅឡើយទេ ដោយជំហ៊ានដំបូង ខាងក្រុមគ្រូពេទ្យបានសន្និដ្ឋានថា គឺអាចបណ្តាលមកពី ពួកគាត់ខំរៀនលើសកម្លាំង ហូបទឹកមិនគ្រប់គ្រាប់ និងមួយវិញទៀត ទទួលសម្ពាធស្រុកយើងអាកាសធាតុក្តៅខ្លាំង ទើបធ្វើឲ្យមានអាការៈដួលសន្លប់តៗគ្នាដូច្នេះ។
សិស្សានុសិស្សទាំងអស់នោះ ក្រោយពីបញ្ជូនមកសង្គ្រោះ ត្រូវបានក្រុមគ្រូពេទ្យ ពិនិត្យយ៉ាងយកចិត្តទុកដាក់ រហូតមកដល់ពេលនេះ មួយចំនួនធំបានជាសះស្បើយវិលត្រឡប់ទៅផ្ទះរៀងៗខ្លួនវិញហើយ និងមួយចំនួនតូចនៅបន្តសម្រាកនៅឯមន្ទីរពេទ្យនៅឡើយ។
សូមរម្លឹកថាកាលពីថ្ងៃទី២៩ដល់ថ្ងៃទី៣ កន្លងទៅករណីសិស្សានុសិស្សដួលសន្លប់ដោយមិនដឹងមូលហេតុផងដែរ។ ទាក់ទងករណីខាងលើមន្ទីរសុខាភិបាលខេត្តមិនបានពន្យល់ច្បាស់លាស់នៅឡើយទេ ៕
