ជនសង្ស័យម្នាក់ត្រូវសមត្ថកិច្ចចាប់ខ្លួនពាក់ព័ន្ធនឹងលួចជ័រកៅស៊ូ

ខេត្តកំពង់ធំ៖ អំពើចោរកម្មលួចជ័រកៅស៊ូកាលពីវេលាម៉ោង ១១និង០១នាទី ថ្ងៃទី ១១ ខែធ្នូ ឆ្នាំ២០១៨ នៅកសិដ្ឋានទី ៣ ក្រុមហ៊ុនភឿកវ៉ាកំពង់ធំអភិវឌ្ឍន៍កៅស៊ូ ភូមិបាក់ស្នាលើ ឃុំបាក់ស្នា ស្រុកបារាយណ៍ ខេត្តកំពង់ធំ ។

សមត្ថកិច្ចបានអោយដឹងថា ប្រព្រឹត្តដោយជនសង្ស័យឈ្មោះ ពៅ ហៀង ភេទប្រុស អាយុ ២៤ ឆ្នាំរស់នៅភូមិបាក់ស្នាលើ ឃុំបាក់ស្នា ស្រុកបារាយណ៍ ខេត្តកំពង់ធំ បានធ្វើសកម្មភាពលួចជ័របង្កករបស់ក្រុមហ៊ុនដឹកតាមម៉ូតូចំនួន ៧០គីឡូក្រាម បម្រុងយកទៅលក់ឲ្យឈ្មួញ តែត្រូវសន្តិសុខការពារក្រុមហ៊ុនចាប់បញ្ជូនមកកាន់ទីស្នាក់ការនគរបាលប៉ុស្តិ៍រដ្ឋបាលបឹងល្វាដើម្បី សួរនាំ ដោយខាងក្រុមហ៊ុនបានសំណូមពរ ឲ្យធ្វើការអប់រំ និងធ្វើកិច្ចសន្យាបញ្ឈប់ការលួច នៅអធិការដ្ឋាននគរបាលស្រុកសន្ទុក ខេត្តកំពង់ធំ ៕ ប៊ុនរិទ្ធី