សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់ត្រូវនគរបាលប៉ុស្តិ៍រដ្ឋបាលសង្កាត់ឃ្មួញធ្វើការឃាត់ខ្លួនករណីលួច លួចយកដែកចេញពីក្នុងឃ្លាំង។ហេតុការនេះបានកើតឡើងកាលពីថ្ងៃទី១២ ខែធ្នូ ឆ្នាំ២០១៨ វេលាម៉ោង ១៩និង០០នាទីនៅចំណុចក្នុងឃ្លាំងសង់ថ្មី ផ្លូវ១០១៩ ភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
នគរបាលប៉ុស្តិ៍ឃ្មួញបានអោយដឹងថាជនសង្ស័យដែលឃាត់ខ្លួនមានឈ្មោះ មន ពេជ្រ ភេទប្រុស អាយុ២៧ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅបន្ទប់ជួល ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ (មានសារធាតុញៀន) ។
ចំណែកជនរងគ្រោះមាន ឈ្មោះ បៀន មុនី ភេទប្រុស អាយុ៥៦ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះលេខ២៤៨៣ ផ្លូវបេតុង ភូមិក្រុងថ្មី សង្កាត់គោកឃ្លាង ខណ្ឌសែនសុខ ។
សម្ភារៈបន្សល់ទុក ៖ ដែកសសៃរចំនួន១២ដើម (ប្រគល់ឲ្យជនរងគ្រោះវិញ) និងម៉ូតូចំនួន០១គ្រឿង មិនស្គាល់ម៉ាក(ចាស់) និងរទះដឹកខ្សាច់ចំនួន០១ ។
ប្រភពពីសមត្ថកិច្ចបានអោយដឹងទៀតថា មុនពេលកើតហេតុ ជនរងគ្រោះបានបិតទ្វាឃ្លាំងទៅផ្ទះ រួចបានបើកកាមេរាសុវត្តិភាពមើលតាមទូរសព្ទ័ដៃ ឃើញមានជនសង្ស័យខាងលើ កំពុងធ្វើសកម្មភាពលួចដែកក្នុងឃ្លាំង បន្ទាប់មកជនររងគ្រោះបានទូរសព្ទ័ផ្តល់ពត៌មានទៅប៉ុស្តិ៍រដ្ឋបាលឃ្មួញពីករណីខាងលើ ក្រោយពីទទួលពត៌មាន សមត្ថកិច្ចយើងបានចុះដល់ចំណុចកើតហេតុ ធ្វើការឆែកឆេរ រកឃើញជនសង្ស័យរួចកម្លាំងយើងនាំខ្លួនជនសង្ស័យយកមកធ្វើការសាកសួរ នៅអធិការដ្ឋាននគរបាលខណ្ឌសែនសុខតែម្តង។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕តុង សីហា
