សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ លោកឧត្តមសេនីយ៍ត្រីស៊ុន សុផាត ស្នងការរងទទួលផែនប្រឆាំងបទល្មើស បានឲ្យដឹងថាៈ កាលពីថ្ងៃទី១២ ខែធ្នូ ឆ្នាំ២០១៨ វេលាម៉ោង១០:៣០នាទី នគរបាលប្រឆាំងគ្រឿងញៀនខេត្ត បានបង្រ្កាបបទល្មើសគ្រឿងញៀនមួយករណី នៅ ក្រុមទី១ ភូមិ៤ សង្កាត់លេខ៤ ក្រុង/ខេត្តព្រះសីហនុ ឃាត់ខ្លួនជនសង្ស័យ១ នាក់ ឈ្មោះ A FENG ភេទប្រុស អាយុ ៣២ ឆ្នាំ ជនជាតិចិន ស្នាក់នៅបណ្តោះអាសន្នសង្កាត់៤ ក្រុង/ខេត្តព្រះសីហនុ ចាប់យកបានម្សៅក្រាមសថ្លាសង្ស័យ ជាសារធាតុញៀន ចំនួន២កញ្ចប់ និង ទូរស័ព្ទដៃ ចំនួន១ គ្រឿង ។
លុះដល់វេលាម៉ោង១:៣០នាទីយប់ ឈានចូលថ្ងៃទី១៣ ខែធ្នូ ឆ្នាំ២០១៨ ឈ្មោះ A FENG បានយល់ព្រមសហការ ជាមួយ សមត្ថកិច្ច យើងបន្តទៅឃាត់ខ្លួនជនសង្ស័យ ម្នាក់ទៀត ឈ្មោះ PAN JUN ភេទប្រុស ឆ្នាំកំណើត ១៩៨៣ ស្នាក់នៅក្រុមទី១១ ភូមិ២ សង្កាត់លេខ២ ក្រុង/ខេត្តព្រះសីហនុ។
ឆែកឆេររកឃើញថ្នាំញៀនមួយចំនួនទៀត រួមមាន៖ ម្សៅក្រាមសថ្លា ចំនួន១៧ កញ្ចប់ , ម្សៅម៉ត់ពណ៌ស ចំនួន១៣ កញ្ចប់ និងថ្នាំគ្រាប់ ចំនួន ៩០ គ្រាប់ និងទូរស័ព្ទដៃចំនួន២ គ្រឿង ។
បច្ចុប្បន្នសមត្តកិច្ចកំពុងកសាងសំណុំរឿងដើម្បីបញ្ជូនទៅតុលាការតាមនិតិវិធី។ឆ្លាម សមុទ្រ
