សារព័ត៌មាន នគរវត្ត តែងតែនាំមុខគេជានិច្ច
ខេត្តកំពត ៖ មានករណីគ្រោះថ្នាក់ចរាចរណ៍មួយបានកើតឡើងរវាងរថយន្តក្រឡុកស៊ីម៉ង់ត៍ បុកម៉ូតូហុងដាសេ១២៥ និងកិនបុរសម្នាក់ស្លាប់ភ្លាមៗយ៉ាងរន្ធត់ និងធ្វើឲ្យម៉ូតូខូចខាតទាំងស្រុង ។
ហេតុការណ៍នេះកើតឡើងនៅថ្ងៃទី២៣ ខែធ្នូ ឆ្នាំ២០១៨ លើផ្លូវជាតិលេខ៣៣ ចំណុចស្ពានព្រៃលី២ ក្នុង ភូមិត្រពាំងធំ ឃុំត្រពាំងសង្កែ ស្រុកទឹកឈូ ខេត្តកំពត។
មន្រ្តីនគរបាលចរាចរ ស្រុកទឹកឈូ បានឲ្យដឹងថា គ្រោះថ្នាក់ចរាចរណ៍នេះកើតឡើងរវាងរថយន្តក្រឡុកស៊ីម៉ងត៍មិនស្គាល់អត្តសញ្ញាណមួយគ្រឿងធ្វើដំណើរមានទិសដៅពីលិចទៅកើត។ លុះដល់ចំណុចខាងលើបានបុកម៉ូតូហុងដាសេ១២៥ ស៊េរីឆ្នាំ២០១០ ពណ៌ខ្មៅ ពាក់ស្លាកលេខ កំពត 1J-4378 បើកបរដោយឈ្មោះ ស៊ាន វុន ភេទប្រុស អាយុប្រហែល ២៥ឆ្នាំ មានទិសដៅពីកើតទៅលិចបណ្ដាលឲ្យអ្នកបើកបរម៉ូតូស្លាប់នៅនឹងកន្លែងចំណែកម៉ូតូត្រូវខ្ទេចខូចខាតយ៉ាងដំណំ។ រីឯរថយន្តបានបើកគេចទៅកើតបាត់ទៅ ។
ក្រោយកើតហេតុ សមត្ថកិច្ចនគរបាលចរាចរណ៍ស្រុកទឹកឈូទៅដល់ចុះវាស់វែងនិងបានប្រគល់សពឲ្យសាច់ញាតិយកទៅធ្វើបុណ្យតាមប្រពៃណី ៕ សហការី
