សារព័ត៌មាន នគរវត្ត តែងតែនាំមុខគេជានិច្ច
នាយករដ្ឋមន្ត្រីអ៊ីរ៉ាក់ លោក Adel Abdul Madhi បានប្រកាសឲ្យដឹងថា មន្ត្រីសន្តិសុខ ជាន់ខ្ពស់ របស់អ៊ីរ៉ាក់បានពិភាក្សាជាមួយប្រធានាធិបតីស៊ីរី លោក Bashar Al Assad នៅទីក្រុង Damascus ដោយបានស្នើឲ្យអ៊ីរ៉ាក់ដើរតួនាទីធំជាងនេះនៅក្នុងសង្គ្រាមវាយប្រហារ ក្រុមភេរវកម្ម ក្រោយអាមេរិកដកទាហានចេញ។
នាយករដ្ឋមន្ត្រីអ៊ីរ៉ាក់ បាននិយាយទៅកាន់ក្រុមអ្នកសារព័ត៌មានថា នេះជាបញ្ហាស្មុគស្មាញបំផុត ពេលប្រធានាធិបតីអាមេរិកដូណាលត្រាំប្រកាសដកទាហានទាំងអស់ចេញពីស៊ីរី ។ លោក Mahdi បានបញ្ជាក់ទៀតថា រាល់បញ្ហាអាក្រក់ទាំងឡាយដែល បានកើតឡើងនៅក្នុងប្រទេសស៊ីរី គឺជះឥទ្ធិពលដល់ប្រទេសអ៊ីរ៉ាក់ ដោយសារតែប្រទេសទាំងពីរមានបន្ទាត់ព្រំដែនរួម ដល់ទៅ ៦០០គីឡូម៉ែត្រ ជាតំបន់ដែល ក្រុម IS នៅបន្តធ្វើសកម្មភាព ។
លោក នាយករដ្ឋមន្ត្រីអ៊ីរ៉ាក់ បានបន្តទៀតថា អ៊ីរ៉ាក់ចងដើរតួនាទីសំខាន់ជាងនេះ នៅលើទឹកដីស៊ីរី ក្រៅពីវាយប្រហារតាមដែនអាកាសពីប្រទេសអ៊ីរ៉ាក់ ។
អាចនិយាយបានថា កម្លាំងទាហានអ៊ីរ៉ាក់ បាន បង្កើនសកម្មភាពវាយប្រហារនៅលើទឹកដីស៊ីរី។ នាយករដ្ឋមន្ត្រីអ៊ីរ៉ាក់ បានលើកឡើងថា ខ្មាន់កាំភ្លើងក្រុមភេរវកម្មនៅតែបន្ត ធ្វើសកម្មភាបនៅលើទឹកដីស៊ីរី ដូច្នេះសកម្មភាពរបស់អ៊ីរ៉ាក់គឺជារឿងដ៏ល្អដើម្បីកម្ចាត់ក្រុមភេរវកម្ម ៕
