សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖ ជនសង្ស័យករណីជួញដូរសារធាតុញៀនម្នាក់កម្លាំងនគរបាលស្រុកភ្នំព្រឹកសហការកម្លាំងប៉ុស្តិ៍រដ្ឋបាលពេជ្រចិន្តាឃាត់ខ្លួនកាលវេលាម៉ោង០៩និង៤០នាទីព្រឹកថ្ងៃទី០២ ខែមករា ឆ្នាំ២០១៩ នៅចំណុចក្រុមទី២ ស្ថិតភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបង ។
សមត្ថកិច្ចបញ្ជាក់ថា ជនសង្ស័័យ ឈ្មោះ ជា ទួច ហៅខ្នុក ភេទប្រុស អាយុ២៦ឆ្នាំ មុខរបរ មិនពិតប្រាកដ ភូមិ/ឃុំខាងលើ ។
សមត្ថកិច្ចបន្ថែមថាក្រោយពីកម្លាំងអធិការដ្ឋាននគរបាលស្រុកភ្នំព្រឹកសហការជាមួយកម្លាំងប៉ុស្តិ៍នគរបាលរដ្ឋបាលពេជ្រចិន្តា បានធ្វើការបង្រ្កាបជាក់ស្តែងករណីរក្សាទុក ដឹកជញ្ជូន ឬជួញដូរនូវសាធាតុញៀនខុសច្បាប់ នៅចំណុចក្រុមទី០២ ស្ថិតភូមិអូរ ឃុំពេជ្រចិន្តា ស្រុកភ្នំព្រឹក ខេត្តបាត់ដំបងសមត្ថកិច្ច ឃាត់ខ្លួនជនសង្ស័័យ០១នាក់ ឈ្មោះ ជា ទួច ហៅខ្នុក ភេទប្រុស អាយុ២៦ឆ្នាំ មុខរបរ មិនពិតប្រាកដ ស្នាក់នៅភូមិឃុំខាងលើ ។
សមត្ថកិច្ចដកហូតវត្ថុតាងរួមមាន :ថ្នាំគ្រាប់រាងមូលសំប៉ែត ពណ៌ស្លាទុំ មានអក្សរបរទេសលើគ្រាប់ថ្នាំ (សញ្ញា WY) ចំនួន៣៥គ្រាប់សង្ស័យមានសាធាតុញៀន ម៉្សៅក្រាមពណ៌សថ្លា ចំនូន៣៨កញ្ចប់សង្ស័យមានសារធាតុញៀន ទូរស័ព្ទដៃចំនួន០១គ្រឿង ឧបករណ៍ប្រើប្រាស់មួយចំនួន ។
បន្ទាប់ពីការឃាត់ខ្លួនសមត្ថកិច្ចបានសួរនាំជនសង្ស័យឆ្លើយសារភាពថា គេបានប្រព្រឹតដួចការសាកសួររបស់សមត្ថកិច្ចមែនក្រោយពីសួរនាំបានកសាងសំណុំរឿងបញ្ជូនខ្លួនជនសង្ស័យ និងវត្ថុតាងទៅសាលាដំបូងខេត្តបាត់ដំបង ដើម្បីចាត់ការតាមច្បាប់ ៕ វណ្ណា
