សារព័ត៌មាន នគរវត្ត តែងតែនាំមុខគេជានិច្ច
យោធាអ៊ីរ៉ង់បានថ្លែងថា យន្តហោះដឹកទំនិញមួយគ្រឿង ដែលបានធ្លាក់នៅខេត្ត Alborz កាលពីថ្ងៃចន្ទ ទី១៤ ខែមករា ឆ្នាំ២០១៩ នោះ គឺជាយន្តហោះរបស់កម្លាំងយោធា ហើយថា មនុស្ស១៥នាក់បានស្លាប់ ក្នុងចំណោម១៦នាក់ ដែលនៅលើយន្តហោះនេះ ។ នេះបើតាមទីភ្នាក់ងារព័ត៌មាន Fars ។
យោធាអ៊ីរ៉ង់ បានថ្លែងការណ៍ថា «យន្តហោះ Boeing 707ដឹកទំនិញ មកពីទីក្រុង Bishkek សាធារណរដ្ឋ Kyrgyzstan បានចុះចតបន្ទាន់ នៅឯអាកាសយានដ្ឋាន Fath នៅថ្ងៃនេះ… វិស្វករខាងជើងហោះហើរម្នាក់ត្រូវបានបញ្ជូនទៅកាន់មន្ទីរពេទ្យ» ។
អាជ្ញាធរអ៊ីរ៉ង់មិនទាន់បញ្ជាក់ភ្លាមៗបានទេមូលហេតុកើតឡើងដោយសារអាកាសយានិក ឬយ៉ាងណានោះ ។
ប្រព័ន្ធផ្សព្វផ្សាយអ៊ីរ៉ង់ នៅមុននេះផ្សាយថា មានមនុស្ស១០នាក់នៅលើយន្តហោះដែលធ្លាក់នេះ ៕
