ព័ត៌មានទាន់ហេតុការណ៍៖

ក្រោយទះតុដើរចេញ ពេលនេះ លោក ត្រាំ អញ្ជើញ សមាជិកគណបក្សប្រជាធិបតេយ្យមកពិភាក្សា តែត្រូវបដិសេធ

ចែករំលែក៖

ប្រធានាធិបតីអាមេរិក បានដាក់កាយដាក់ចិត្ត ប្តូរអាកប្បកិរិយា អញ្ជើញ សមាជិកគណបក្សប្រជាធិបតេយ្យដោយផ្ទាល់​ដើម្បី មកបរិភោគអាហារថ្ងៃត្រង់រួម ជជែកអំពីបញ្ហានៅតាមព្រំដែល ក៏ដូចជាដំណើរការបើកទ្វារ រដ្ឋាភិបាល ឡើងវិញ ។ ប៉ុន្តែការអញ្ជើញទាំងនោះ ត្រូវបានបដិសេធ ធ្វើឲ្យលោកត្រាំ កាន់តែខឹងសម្បារ ខ្លាំងឡើង ។

ការមិនចូលរួមរបស់ក្រុមតំណាងរាស្ត្រប្រជាធិបតេយ្យ គឺជា​ការប្រឆាំងនៅនឹង ទង្វើ មិនគប្បី ដោយទះតុដើរចេញ ពីកិច្ចប្រជុំនាពេលកន្លងមក ។

ប្រធានាធិបតីអាមេរិក ដូណាល់ ត្រាំ បានអញ្ជើញក្រុម តំណាងរាស្ត្រ​គណបក្សប្រជាធិបតេយ្យ​​នៅក្នុងរដ្ឋសភា មក​បរិភោគអាហារថ្ងៃត្រង់ និងពិភាក្សា​នៅសេតវិមាន ស្តីពីបញ្ហា សន្តិសុខ ព្រំដែន និងការបិទទ្វារដ្ឋាភិបាល យូពេក តែត្រូវបដិសេធ។

សារព័ត៌មាន​ NBC ​បានផ្សាយថា​ ព័ត៌មានខាងលើ​ត្រូវបានអ្នកនាំពាក្យសេតវិមាន លោកស្រីSarah Sanders ​ បានប្រកាសថា​«នៅថ្ងៃនេះ ប្រធានាធិបតី ដូណាលត្រាំ​បានអញ្ជើញ តំណាងរាស្ត្រ មកពីគណបក្សសាធារណរដ្ឋនិង ប្រជាធិបតេយ្យ មកបរិភោគអាហារថ្ងៃត្រង់ប៉ុន្តែមិនមានសមាជិកគណបក្សប្រជាធិបតេយ្យណាមួយ​ចូលរួមនោះឡើយ​។

កន្លងមក លោកត្រាំបានជួបពិភាក្សាជាច្រើន លើក ជាមួយគណបក្ស​ប្រជាធិបតេយ្យ ​ក្នុងនោះមាន ប្រធានរដ្ឋសភា​លោកស្រី​ Nancy Pelosi ​ និងប្រធានព្រឹទ្ធសភា លោក​ Chuck Schumer ​ប៉ុន្តែភាគីទាំងសង្ខាងនៅតែបន្តជាប់គាំង ។

លោកត្រាំ​បានស្នើរ មូលនិធីបន្ថែម ៧ពាន់លានដុល្លារ​ដល់សន្តិសុខ ព្រំដែន ប៉ុន្តែក្រោយមក ក៏បានថយចុះ​នៅសល់តែ​៥,៧ពាន់លានដុល្លារ សម្រាប់ជញ្ជាំងព្រំដែន នឹងជាការបើកទ្វា ដំណើរការរដ្ឋាភិបាលឡើងវិញ តែត្រូវក្រុមតំណាងរាស្ត្រប្រជាធិបតេយ្យ ច្រាន់ចោល ។

ក្រុមអ្នកឯកទេសបានលើកឡើងថា មូលហេតុដែលជម្រុញឲ្យ គណបក្សប្រជាធិបតេយ្យ ច្រានចោលការអញ្ជើញរបស់លោកត្រាំ គឺដោយសារតែ នៅពេលពិភាក្សា កន្លងមក លោកត្រាំ បានទះតុដើរចេញពីកិច្ចប្រជុំ ទាំងនោះហើយ ធ្វើឲ្យអស់ទំនុកចិត្តនៅក្នុងកិច្ចពិភាក្សា ៕


ចែករំលែក៖