ទាហានឥណ្ឌាបង្កើនការយាមល្បាតនៅតាមព្រំដែនជាប់ប្រទេសចិន

ឥណ្ឌា និងចិន ជាប្រទេសដែលមានបន្ទាត់ព្រំដែន គាប់គ្នាវែងជាងគេបំផុត​នៅលើពិភពលោក ហើយព្រំដែនប្រទេសទាំងពីរ តែងតែប្រឈមនូវវិវាទ ដោយការចោទប្រកាន់ភាគីម្ខាងទៀតជាអ្នកឈ្លានពានចូលក្នុងទឹកដីរបស់ខ្លួន ។

កន្លងមក រដ្ឋាភិបាលចិន​បានបង្កើនការសាងសង់ហេដ្ឋារចនាសម្ព័ន្ធនៅតាមព្រំដែន ដើម្បីងាយស្រួល នៅក្នុងការធ្វើដំណើររបស់កម្លាំងទាហាន​ ។ នៅពេលនេះដែរ ឥណ្ឌាក៏មានគម្រោងសាងសង់ផ្លូវ​ជាង​៤០ខ្សែ ងាយស្រួលក្នុងការ ចល័តទាហាន និងសព្វាវុធ ។

តាមឯកសាររបស់រដ្ឋាភិបាលមួយបានឲ្យដឹងថា ប្រទេសឥណ្ឌា នឹងចំណាយប្រាក់ ២,៩ ពាន់លានដុល្លារ លើគម្រោងសង់ផ្លូវ៤៤ខ្សែ នៅជិតព្រំដែនរបស់ខ្លួន ជាមួយប្រទេសចិន ដើម្បីធានាឲ្យមានការចល័តទ័ព យ៉ាងឆាប់រហ័សក្នុងករណីជម្លោះ។នេះបើយោងតាមប្រភពពីសារព័ត៌មាន South China Morning Post។

របាយការណ៍របស់មន្ទីរសាធារណៈការកណ្តាល (CPWD)បានឲ្យដឹងថា ផ្លូវនេះនឹងត្រូវសាងសង់នៅក្នុងរដ្ឋ Arunachal Pradesh, Sikkim, Jammu និង Kashmir, Uttarakhand និង Himachal Pradesh ។ផែនការនេះគឺស្របទៅនឹងគម្រោងហេដ្ឋារចនាសម្ព័ន្ធជាច្រើនដែលត្រូវសិស្សចាប់ពីតាំងពីនាយករដ្ឋមន្ត្រី Narendra Modi បានឡើងកាន់តំណែងកាលពី៤ឆ្នាំមុននៅក្នុងរដ្ឋភាគឦសានរបស់ប្រទេសឥណ្ឌាដើម្បីប្រឆាំងនឹងជំហរដែនដីរបស់ក្រុងប៉េកាំង។សំណើនេះខាងលើខាងកំពុងរង់ចាំពន្លឺពណ៌ខៀវពីគណៈរដ្ឋមន្ត្រីដឹកនាំដោយលោក Modi ។នេះបើយោងតាមរបាយការណ៍ដែលបានដកស្រង់ដោយសារព័ត៌មានសារព័ត៌មាន Trust of India ។

ហេដ្ឋារចនាសម្ព័ន្ធផ្លូវថ្នល់ដែលស្ថិតនៅតាមបណ្តោយព្រំដែនប្រទេសឥណ្ឌា-ចិន ជាង ៤ពាន់គីឡូម៉ែត្រ ត្រូវបានឥណ្ឌាទុកចោលជាង៥០ឆ្នាំមកហើយ។ ទើបតែក្រោយពេលមានភាពតានតឹងខ្លាំងនៅតំបន់ព្រំដែន Doklam កាលពីឆ្នាំ២០១៧ ដែលជាការប្រឈមមុខដាក់គ្នារវាងកងទ័ពទាំង២ ជុំវិញការសាងសង់ផ្លូវរបស់ចិននោះ ទើបឥណ្ឌា ងាកមកចាប់អារម្មណ៍ក្នុងការកសាងផ្លូវទាំងនោះវិញ។

លោក Jayadeva Renade ប្រធានមជ្ឈមណ្ឌលសម្រាប់វិភាគអំពីប្រទេសចិន និងយុទ្ធសាស្ត្រ នៃប្រទេសប្រទេសឥណ្ឌា បានលើកឡើងថា ការសាងសង់ផ្លូវនៅតាមបណ្តោយព្រំដែនដូច្នេះ នឹងផ្តល់ផលចំណេញ ដល់ឥណ្ឌា ដូចជាការតភ្ជាប់ ទំនាក់ទំនង សកម្មភាពសេដ្ឋកិច្ច និងងាយស្រួលដល់ការចល័តទ័ព និងឧបករណ៍យោធា៕