ព័ត៌មានទាន់ហេតុការណ៍៖

ប៉ុនប៉ងវាយប្រហារ សេតវិមាន ដោយកាំភ្លើងប្រឆាំងរថក្រោះ ត្រូវប៉ូលិសចាប់ខ្លួនទាន់ពេល

ចែករំលែក៖

សន្តិសុខ ការពារសេតវិមាន ដែលជាទីកន្លែងធ្វើការរបស់ប្រធានាធិបតីអាមេរិក និងមន្ត្រីសំខាន់​ៗ​ត្រូវបានការពារយ៉ាងតឹងតែង ដោយគ្មានអ្នកណាម្នាក់អាចចូលខាងក្នុងដើម្បីវាយប្រហារនោះឡើយ ។

ភេរវកមួយរូប មានអាយុទើបតែ ២១ឆ្នាំប៉ុណ្ណោះ បានប៉ុនប៉ងវាយប្រហារ សេតវិមានអាមេរិក​ដោយប្រើប្រាស់កាំភ្លើង​ប្រឆាំងរថក្រោះ ​និងគ្រាប់បែក សម្រុកចូលសេតវិមាន ។ ការប៉ុនប៉ងខាងលើត្រូវបានរារាំង ដោយកម្លាំងសន្តិសុខ ។​

ទីភ្នាក់ងារស៊ើបការណ៍FBI បានឲ្យដឹងថា ជនប៉ុនប៉ងវាយប្រហារមានឈ្មោះ Hasher Jallal Taheb អាយុ២១ឆ្នាំ មកទីក្រុង Cumming ត្រូវបានចាប់ខ្លួនកាលពីថ្ងៃពុធ បន្ទាប់ពីបុរសនេះ បានលក់រថយន្តរបស់គាត់ដើម្បីទិញគ្រឿងអាវុធ ។ ក្រុមសន្តិសុខអាមេរិក បានចោទប្រកាន់ពីបទប៉ុនប៉ងធ្វើឱ្យខូចខាត ឬបំផ្លាញអាគារដែលជាកម្មសិទ្ធិរបស់សហរដ្ឋអាមេរិក ដោយប្រើគ្រឿងផ្ទុះ។

ប្រភពព័ត៌មានបានឲ្យដឹងថា​ជនប៉ុនប៉ងវាយប្រហារ Hasher Jallal Taheb មានផែនការវាយប្រហារអត្តឃាត ដោយប្រើប្រាស់គ្រឿងផ្ទុះ និងគ្រាប់រ៉ុក្កែតប្រឆាំងរថក្រោះ​។ យុវជន Hasher Jallal Taheb បានក្លាយជាជនជ្រុលនិយម និងបានផ្លាស់ប្តូរឈ្មោះរបស់គាត់ហើយគ្រោងនឹងធ្វើដំណើរទៅបរទេស ។

ភ្នាក់ងារពិសេស ក្រុម FBI លោក Chris Hacker បាននិយាយថា ការរស៊ើបអង្កេតនេះ បានចំណាយពេលអស់មួយឆ្នាំមកហើយ ។ ការស៊ើបអង្កេតកំពុងបន្តធ្វើ ប៉ុន្តែនៅដំណាក់កាលនេះ គេជឿថា Hasher Jallal Taheb ធ្វើសកម្មភាព តែម្នាក់ឯងប៉ុណ្ណោះ៕


ចែករំលែក៖