សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីម្នាក់មានអការមិនស្រួល ខ្លួន ហើយត្រូវបានប្តីរត់ទៅទិញថ្នាំ ឲ្យលេប ខណៈមកវិញក៏ឃើញប្រពន្ធខ្លួន ស្លាប់បាត់ទៅហើយ ។
ហេតុការណ៍នេះបានកើតឡើងកាលពី វេលាម៉ោង៨និង៤០នាទីព្រឹក ថ្ងៃទី២៥ ខែកុម្ភៈ ឆ្នាំ២០១៩ នៅចំណុចតូបអ្នកតាជិតស្រះទឹកមុខសាលាគោកបញ្ជាន់ ស្ថិតក្នុងភូមិថ្មគោល សង្កាត់ចោមចៅ2 ខណ្ឌពោធិសែនជ័យ ។
ជនរងគ្រោះឈ្មោះ លីណា ភេទស្រីអាយុ48ឆ្នាំ មុខរបររើសអេតចាយ ស្រុកកំណើតភូមិដូង ស្រុកជលគិរី ខេត្តកំពត បច្ចុប្បន្នដើរស្នាក់នៅតាមទីសារធារណៈ ក្នុងខណ្ឌពោធិសែនជ័យ ។
តាមការបញ្ជាក់ពីឈ្មោះ អុល ពិសិដ្ធ អាយុ46ឆ្នាំ ត្រូវជាប្តី ជនរងគ្រោះបានប្រាប់សមត្ថកិច្ចឲ្យដឹងថា មុនពេលកើតហេតុ ជនរងគ្រោះមានជំងឺក្តៅខ្លួន ហើយគាត់បានទៅទិញថ្នាំឲ្យប្រពន្ធគាត់លេប លុះត្រឡប់ពីទិញថ្នាំវិញ ក៏ឃើញប្រពន្ធគាត់ស្លាប់បាត់ទៅហើយ ។
បច្ចុប្បន្នសពយកមកដំកល់នៅ វត្តគោកបញ្ជាន់ ៕ សុខាសែនជ័យ
