សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅវេលាម៉ោងប្រមាណ២៣និង៥០នាទី ថ្ងៃទី២៥ ខែកុម្ភៈ ឆ្នាំ២០១៩ រថយន្តដឹកកុងតឺន័រ ចេញពីខេត្តព្រះសីហនុ១គ្រឿង បានក្រឡាប់នៅ ផ្លូវជាតិលេខ៤ ចន្លោះគីឡូម៉ែត្រ១៦៨-១៦៩ ស្ថិតនៅភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ បណ្ដាលឲ្យអ្នកបើកបរស្លាប់នៅក្នុងរថយន្ត។
ប្រភពរាយការណ៍ថា រថយន្តម៉ាក FUSO ពណ៌បៃតង ពាក់ស្លាកលេខភ្នំពេញ 3E-4873 អ្នក បើកបរ ឈ្មោះ មុត សុភូមិ ភេទប្រុស អាយុ ២៤ឆ្នាំ មានទីលំនៅភូមិពង្រធំ ឃុំកាហែង ស្រុកសំរោងទង ខេត្តកំពង់ស្ពឺ មានទិសដៅ ពីខេត្តព្រះសីហនុ ឆ្ពោះទៅ ភ្នំពេញ មកដល់ចំណុចខាងលើ បានធ្លាក់ផ្លូវមកខាងស្ដាំ រួចក៏បួងចង្កូតមកខាងឆ្វេងវិញ រួចធ្លាក់ផ្លូវ បណ្ដាលឲ្យក្រឡាប់ទូរកុងតឺន័រ គាបស្លាប់តែម្ដង ។
គ្រោះថ្នាក់នេះ បណ្ដាលឲ្យស្លាប់អ្នកបើកបរម្នាក់ ឈ្មោះ មុត សុភូមិ បច្ចុប្បន្ន សាកសព កំពុងស្រាវជ្រាវរកសាច់ញាតិ មកទទួល។
ចំណែក រថយន្តសមត្ថកិច្ច កំពុងស្ទូច យកទៅរក្សាទុកនៅអធិដ្ឋាននគរបាលស្រុកព្រៃនប់ ៕ ឆ្លាម សមុទ្រ
