សារព័ត៌មាន នគរវត្ត តែងតែនាំមុខគេជានិច្ច
ខេត្តពោធិ៍សាត់៖ កម្លាំងអធិការដ្ឋាននគរបាលស្រុកក្រគរ ប៉ុស្ដិ៍រដ្ឋបាលក្បាលត្រាច សហការចុះបង្រ្កាបមុខសញ្ញាប្រើប្រាស់ និងចែកចាយដោយខុសច្បាប់នូវសារធាតុញៀន កម្លាំងឃាត់ខ្លួនជនសង្ស័យចំនួន ៣នាក់ រួមទាំងវត្ថុតាង និងសម្ភារ ។
ប្រតិបត្តិការខាងលើធ្វើឡើងនៅរសៀលថ្ងៃច័ន្ទ ៦រោច ខែមាឃ ឆ្នាំច សំរឹទ្ធស័ក ព.ស ២៥៦២ ត្រូវនឹងថ្ងៃទី២៥ ខែកុម្ភៈ ឆ្នាំ២០១៩ ត្រង់ចំណុចផ្ទះរបស់ឈ្មោះ សា (រត់គេច)ស្ថិតក្នុងភូមិស្រែឬស្សី ឃុំក្បាលត្រាច ស្រុកក្រគរ ខេត្តពោធិ៍សាត់។
ប្រភពពីនគរបាលប៉ុស្តិ៍រដ្ឋក្បាលត្រាចប្រាប់ថា ក្នុងកិច្ចប្រត្តិបត្តិការខាងលើកម្លាំងឃាត់ខ្លួនជនសង្ស័យជាប់ពាក់ព័ន្ធចំនួន ៣នាក់ទី១ ឈ្មោះ ណុប ភារិទ្ធ ភេទប្រុស អាយុ ១៨ឆ្នាំ ជនជាតិខ្មែរ រស់នៅភូមិកំពង់លើ ឃុំក្បាលត្រាច ស្រុកក្រគរ ទី២ ឈ្មោះ នី ស៊ូកូត ភេទប្រុស អាយុ ១៨ឆ្នាំ ជនជាតិខ្មែរឥស្លាម រស់នៅភូមិក្រឡាញ់ ឃុំក្បាលត្រាច ស្រុកក្រគរ និងទី៣ ឈ្មោះ សៀប តុលា ភេទប្រុស អាយុ ១៥ឆ្នាំ ជនជាតិខ្មែរ រស់នៅភូមិ.ឃុំចាម ស្រុកកំពង់ត្របែក ខេត្តព្រៃវែង។
ប្រភពខាងលើបន្តទៀតថា ក្នុងកម្លាំងបានរកឃើញឧបករណ៍សង្ស័យគ្រឿងញៀនមួយកំប្លេ និងមធ្យោបាយម៉ូតូ ចំនួន ២គ្រឿងផងដែរ ចំពោះជនសង្ស័យរួមទាំងវត្ថុតាង(ឧបករណ៍) និងសម្ភារៈ បានបញ្ជូនទៅអធិការដ្ឋាននគរបាលស្រុកក្រគរ ដើម្បីបន្តនីតិវិធី៕ បឹុម ពិន
