បុរសម្នាក់ បើកបររថយន្តងោកមួយផាំងជ្រុលចង្កូតទៅបុកក្បាលនាគពុះចែកទ្រូងផ្លូវនៅក្រោមស្ពានអាកាស៧មករា

ភ្នំពេញ៖ បុរសម្នាក់ បើកបររថយន្តងោកមួយផាំងជ្រុលចង្កូតទៅបុកក្បាលនាគពុះចែកទ្រូងផ្លូវ បណ្តាលឲ្យវៀចហេតុការណ៍នេះបានកើតឡើងកាលពីម៉ោង២ និង៣០នាទីរំលងអធ្រាត្រ ឈានចូលថ្ងៃទី០៨ ខែមីនា ឆ្នាំ២០១៩ នៅតាមបណ្ដោយផ្លូវ៥៩៨ ខាងក្រោមស្ពានអាកាស៧មករា ស្ថិតក្នុងសង្កាត់ទឹកល្អក់ទី១ ខណ្ឌទួលគោក។

សមត្ថកិច្ចបានឲ្យដឹងថា នៅមុនពេលកើតហេតុគេឃើញ បុរសម្នាក់ បានបើករថយន្តមួយគ្រឿងម៉ាក តូយ៉ូតាព្រូស ពណ៌ក្រហម ពាក់ស្លាកលេខ ភ្នំពេញ2AW-3957 ធ្វើដំណើរតាមបណ្ដោយផ្លូវលេខ២៧១ ក្នុងទិសដៅពីត្បូងទៅជើង យ៉ាងលឿនទៅផ្លូវលេខ៥៩៨។ខណៈមកដល់ចំណុចកើតហេតុអ្នកបើករថយន្ត សង្ស័យងោគមួយភាំង បានរេចង្កូតទៅបុកក្បាលនាគពុះចែកទ្រូងផ្លូវ មិនបង្កឲ្យមានអ្នករងរបួសនោះទេ។

បន្ទាប់ពីកើតហេតុសមត្ថកិច្ចជំនាញចរាចរចុះមកយករថយន្តបង្ក ទៅរក្សាទុកនៅការិយាល័យចរាចរផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំដោះស្រាយគ្នានៅពេលក្រោយ៕ជ្រោយពេជ្រ