សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ គ្រោះអគ្គិភ័យមួយបានឆេះឡើងទាំងវេលាព្រឹកព្រលឹមតែម្តងនៅក្នុងខណ្ឌសែនសុខ បង្កការភ្ញាក់ផ្អើលយ៉ាងខ្លាំង ខណៈដែលមូលហេតុនៃអគ្គិភ័យនេះ មិនទាន់ដឹងនៅឡើយ ។
ហេតុការណ៍បានកើតឡើងនៅវេលាម៉ោង៥ព្រឹក ថ្ងៃទី១០ ខែមីនា ឆ្នាំ២០១៩ ស្ថិតនៅសង្កាត់គោកឃ្លាំង ខណ្ឌសែនសុខ រាជធានីភ្នំពេញ ។
មន្ត្រីមានសមត្ថកិច្ចបានបញ្ចេញរថយន្តពន្លត់អគ្គិភ័យរហូតដល់១៨គ្រឿងទៅអន្តរាគមន៍អគ្គិភ័យមួយនេះ និងបានគ្រប់គ្រងស្ថានការណ៍បានទាំងស្រុង ។ ប៉ុន្តែទោះយ៉ាងណា ផ្ទះពលរដ្ឋច្រើននៅតែរងការខូចខាតដដែល ។
គេនៅមិនទាន់អាចបូកសរុបការខូចខាតនៅឡើយទេ ខណៈដែលមិនបណ្តាលឲ្យមនុស្សណាម្នាក់រងរបួស ឬគ្រោះថ្នាក់ដល់អាយុជីវិតនោះឡើយ ៕
