សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ យ៉ាងហោចណាស់ផ្ទះប្រជាពល រដ្ឋ៣ខ្នង ត្រូវបានដួលរលំ និងរបើកដំបូលបណ្ដាលឲ្យ ខូចខាតទាំងស្រុង តែសំណាងផងដែរ មិនមានរងគ្រោះថ្នាក់ដល់មនុស្ស និងសត្វ បន្ទាប់ពីមានភ្លៀង និងលាយខ្យល់កន្ត្រាក់បោកបក់កាលពីវេលាម៉ោង៩យប់ ថ្ងៃទី១៥ ខែមីនា ឆ្នាំ២០១៩ ស្ថិតភូមិចំនួន២ ក្នុងឃុំជ្រៃធំ ស្រុករមាសហែក ខេត្តស្វាយរៀង ។
យោងតាមសមត្ថកិច្ចនគរបាលស្រុករមាសហែកបានឲ្យដឹងថា កាលពីវេលាម៉ោង៩យប់ មានភ្លៀង និងខ្យល់កន្ត្រាក់របណ្ដាលឲ្យរបើកដំបូលមានម្ចាស់ឈ្មោះ តូច ធា អាយុ៤៥ឆ្នាំ មុខរបរកសិករ រស់នៅភូមិព្រៃរំដេង ឃុំជ្រៃធំ ស្រុករមាសហែក ផ្ទះមានទំហំ៨ម៉ែត្រគុណ ៩ម៉ែត្រ ជញ្ជាំងឈើប្រក់ក្បឿង ដំបូលរ៉ង់ដា ខូចខាតយ៉ាងដំណំ ។ ទី២មានម្ចាស់ឈ្មោះ នង រតនា ភេទប្រុស អាយុ៤៦ឆ្នាំ មុខរបរកសិករ រស់នៅភូមិព្រៃរំដេង ឃុំជ្រៃធំ ស្រុករមាសហែក មាន ផ្ទះទំហំ៧ម៉ែត្រគុណ ៨ម៉ែត្រ ប្រក់ក្បឿងបណ្ដាលឲ្យបែកក្បឿងអស់ចំនួន៣០សន្លឹក និងទី៣ មានម្ចាស់ ឈ្មោះ ញូង បាន ភេទប្រុស អាយុ៣៤ឆ្នាំ មុខរបរកសិករ នៅភូមិស្រះ ឃុំជ្រៃធំ ស្រុករមាសហែក ដោយផ្ទះមានទំហំ៤ម៉ែត្រគុណ ៥ម៉ែត្រ សង់អំពីឈើ ប្រក់សង្កសី ជញ្ជាំងសង្កសី បណ្ដាលឲ្យរបើកដំបូល ជើងដំកល់បើងដំបូលខូចខាត ទាំងស្រុង ។
ប្រភពបន្តថា ក្នុងករណីនេះដែរ បន្ទាប់ពីមានកើតហេតុភ្លាមៗ សមត្ថកិច្ចអាជ្ញាធរមូលដ្ឋាន ក៏បានចុះមកអន្តរាគមន៍ ភ្លាមៗធ្វើកំណត់ហេតុ ខណៈមិនបណ្ដាលឲ្យគ្រោះថ្នាក់មនុស្ស និងសត្វអ្វីនោះទេ គ្រាន់តែខូចខាតផ្ទះ៣ខ្នងតែប៉ុណ្ណោះ ៕ យឹម សុថាន
