ព័ត៌មានទាន់ហេតុការណ៍៖

ប្រធានាធបិតីអាមេរិក៖ បើម៉ិចស៊ីកូ មិនទប់ស្កាត់ជនភៀសខ្លួន អាមេរិក នឹងបិទព្រំដែន

ចែករំលែក៖

ព្រំដែនអាមេរិក និងម៉ិចស៊ីកូ មានសារសំខាន់យ៉ាងខ្លាំងដល់វិស័យពាណិជ្ជកម្មសេដ្ឋកិច្ច របស់ប្រទេសទាំងពីរ​ ពិសេសគឺម៉ិចស៊ីកូ ក្នុងការនាំទំនិញចូលទៅកាន់ អាមេរិក ហើយប្រសិនបិទព្រំដែននោះ ម៉ិចស៊ីកូ រងការខាត់បង់យ៉ាងច្រើន​ ។

មិនតែប៉ុណ្ណោះ ព្រំដែនម៉ិចស៊ីកូ ក៏ជាកន្លែង​ឆ្លងដែនខុសច្បាប់ ជួញដូរគ្រឿងញឿនខុសច្បាប់ ចូលទៅកាន់អាមេរិកច្រើនជាងគេផងដែរ ។ ប្រទេសជាច្រើន នៅក្នុងតំបន់បានប្រមូលផ្តុំគ្នា នៅព្រំដែននោះដើម្បីបានភៀសខ្លួនចូលទៅកាន់អាមេរិក​ ។

ប្រធានាធិបតីអាមេរិក ដូណាល់ ត្រាំ បានព្រមាន​បិទព្រំដែនជាប់ម៉ិចស៊ីកូ​នៅសប្តាហ៍ក្រោយ​ដើម្បីទប់ស្កាត់ជនភៀសខ្លួនខុសច្បាប់ចូលទឹកដីអាមេរិក​ ។

ប្រធានាធិបតីអាមេរិកដូណាល់ ត្រាំ​បាននិយាយទៅកាន់ក្រុមអ្នកសារព័ត៌មាន​នៅរដ្ឋ​ Florida ​កាលពីថ្ងៃទី​២៩ ខែមីនាថា​ «ម៉ិចស៊ីកូ​ត្រូវតែ​ទប់ស្កាត់ក្រុមជនអន្តោប្រវេសន៍ខុសច្បាប់ បើមិនដូច្នោះទេ យើងនឹងបិទព្រំដែន ។ ​ ការបិទព្រំដែន នឹងអាចទប់ស្កាត់បានទាំងគ្រឿងញៀន ចូលក្នុងទឹកដីអាមេរិកផងដែរ» ។

លោកត្រាំបញ្ជាក់ទៀតថា​«យើង​នឹងបិទទ្វារព្រំដែន ប្រសិនបើម៉ិចស៊ីកូ​មិនអាចដោះស្រាយបានបញ្ហាជនភៀសខ្លួន ។ ​ម៉ិចស៊ីកូ​ចាំបាច់ត្រូវតែរារាំងជនភៀសខ្លួនមកពី Guatemala, El Salvador, Honduras ចូលមកប្រទេសម៉ិចស៊ីកូ ។ ជនភៀសខ្លួនមកពីគ្រប់ទិសទី ចូលមកព្រំដែនម៉ិចស៊ីកូអាមេរិក ​នឹងបង្កផលលំបាក់ក្នុងការទប់ស្កាត់ក្រុមជនភៀសខ្លួនទាំងនោះចូលអាមេរិក​ ។

ឆ្លើយតបទៅ និងការព្រមានខាងលើ រដ្ឋមន្ត្រីការបរទេសម៉ិចស៊ីកូ​ លោក​ Marcelo Ebrab ​មិនបានវិភាគអ្វីជុំវិញ​បញ្ហាខាងលើនោះឡើយ ដោយលោកបានលើកឡើងថា «ម៉ិចស៊ីកូជាប្រទេសជិតខាងល្អជាមួយអាមេរិក ដោយមិនធ្វើសកម្មភាព គំរាមកំហែងនោះឡើយ»៕


ចែករំលែក៖