សារព័ត៌មាន នគរវត្ត តែងតែនាំមុខគេជានិច្ច
ក្រោយការប្រកាសលទ្ធផលរបស់គណៈកម្មការរៀបចំការបោះឆ្នោត ហើយមិនមានភាគីណាមួយទទួលបានជ័យជំនៈ គណៈកម្មការរៀបចំការបោះឆ្នោត នឹងរៀបចំការបោះឆ្នោតលើកទីពីរ ដែលមានបេក្ខភាពនាំមុខទាំងពីររូប ប្រប្រកួតប្រជេង ។
តាមលទ្ធផលបោះឆ្នោតកន្លងមក លោក Vladimir Zelensky ជាអតីតតារាកំប្លែង ទទួលបាន៣០,២៦ភាគរយ។ ចំណែកប្រធានាធិបតី Petro Poroshenko វិញ ទទួលបានការគំាទ្រតែ ១៥,៩៩ ភាគរយប៉ុណ្ណោះ ។
បើទោះអតីតតារាកំប្លែង ដ៏ល្បីល្បាញរបស់អ៊ុយក្រេន នាំមុខយ៉ាងឆ្ងាយនៅក្នុងការបោះឆ្នោត កន្លងមក តែ លោកមិនមានសំឡេងគាំទ្រគ្រប់គ្រាន់ដើម្បីបង្កើតរដ្ឋាភិបាលនោះឡើយ ។ ទាំងនោះហើយបានជាគណៈកម្មការរៀបចំការបោះឆ្នោតត្រៀម បោះឆ្នោតជុំទីពីរ ប្រជែង មួយទល់មួយរវាង អតីតតារាកំប្លែង នឹង ប្រធានាធិបតី ។
តាមការលើកឡើងរបស់ប្រធានគណៈកម្មការរៀបចំការបោះឆ្នោត អ៊ុយក្រែន(CEC)លោក Tetiana Slipachuk បានបញ្ជាក់ឲ្យដឹងថា លទ្ធផលបណ្តោះអាសន្នផ្លូវការបង្ហាញឲ្យឃើញថា មិនមានបេក្ខភាពណាមួយ ក្នុងចំណោមបេក្ខភាព ទាំង៣៩ ទទួលបានសំឡេងគាំទ្រគ្រប់គ្រាន់ដើម្បីបង្កើតរដ្ខាភិបាលឡើយ ។
តាមលទ្ធផលបណ្តោះអាសន្ន បង្ហាញឲ្យឃើញថា តារាសម្តែង លោក Volodymyr Zelensky និង ប្រធានាធិបតី Petro Poroshenko ទទួលបានការគាំទ្រខ្ពស់ជាងគេ នឹងបន្តចូលរួមប្រប្រកួតប្រជែងបោះឆ្នោតជុំទីពីរ ។
តាមច្បាប់ អ៊ុយក្រែន ប្រសិនបើមិនមានបេក្ខភាពណាមួយទទួលបានជ័យជំនៈនៅក្នុងការបោះ ឆ្នោតលើកទីមួយ បេក្ខភាពនាំមុខទាំងពីររូប នឹងបន្តចូលប្រជែងនៅក្នុងការបោះឆ្នោតវគ្គពីរ ដែលត្រូវធ្វើឡើងនៅថ្ងៃទី២១ ខែមេសា ៕
