សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្តរមានជ័យ៖ នៅវេលាម៉ោង១៥ និង១០នាទី ថ្ងៃទី៩ ខែឧសភា ឆ្នាំ២០១៩ អាជ្ញាធរថៃបានបញ្ជូនពលរដ្ឋខ្មែរ ចំនួន២នាក់ មកតាមច្រកអន្តរជាតិជាំ សាងុំា ស្ថិតនៅក្នុង ភូមិជាំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ ។
សមត្ថកិច្ចបានឲ្យដឹងថា ពលរដ្ឋខ្មែរចំនួន២នាក់ ដែលអាជ្ញាធរថៃបញ្ជូនមកនោះ មានឈ្មោះ១ ឈ្មោះ នៅ ស៊ុត ភេទប្រុស អាយុ៣៤ ឆ្នាំ ២ ឈ្មោះ វ៉ាន់ ញ៉ក់ ភេទប្រុស អាយុ៣៤ ឆ្នាំ អ្នកទាំង២ រស់នៅ ភូមិបន្ទាយចាស់ ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។
សមត្ថកិច្ចនៅនឹងមាត់ច្រកអន្តរជាតិជាំបានឲ្យដឹងទៀតថា ពលរដ្ឋទាំង២នាក់ខាងលើ ត្រូវបានជាប់គុកនៅ ខេត្តស៊ីសាកេតប្រទេសថៃ ហើយត្រូវបានសមត្ថកិច្ចថៃចាប់ខ្លួននៅ ថ្ងៃទី១២ ខែឧសភា ឆ្នាំ២០១៦ ពីបទឆ្លងដែន ខុសច្បាប់កាប់ កាប់ឈើគ្រញូងក្នុងទឹកដីថៃ ចូលតាមច្រកអូរខ្សាច់ ស្ថិតក្នុង ភូមិសាស្ត្រខ្មែរ ភូមិចារថ្មី ឃុំទំនប់ដាច់ ស្រុកត្រពាំងប្រាសាទ ខេត្តឧត្តរមានជ័យ រីឯខាងថៃវិញ គឺ ភូមិស្ទឹងចាន់ ឃុំស្ទឹងចាន់ ស្រុកឃុនហាន ខេត្តស៊ីសាកេត ប្រទេសថៃ ។
បច្ចុប្បន្ន សមត្ថកិច្ចនៅនឹងមាត់ច្រកអន្តរជាតិ បានឲ្យវិលត្រឡប់ទៅលំនៅឋានវិញ ៕ ប៉ែន នួន
