សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់ចូលម៉ាស្សា កោសជប់ដែលមានយីហោ៧៧៧៧ នៅតាមបណ្តោយផ្លូវ៣៧១ ស្ថិតក្នុងសង្កាត់ចាក់អង្រែលើ ខណ្ឌមានជ័យ ហើយបានបបួលនារីម៉ាស្សារួមមេត្រី តែនាងមិនព្រម ក៏កើតជាជម្លោះផ្អើលអស់ប្រជាពលរដ្ឋ និងសមត្ថកិច្ចចុះអន្តរាគមន៍ ។
ហេតុការណ៍នេះ បង្កការភ្ញាក់ផ្អើលកាលពីវេលាម៉ោងរំលងអធ្រាត្រ ឈានចូលថ្ងៃ៥ ខែមិថុនា ឆ្នាំ២០១៩ ។
បុរសរត់បង់បីឈ្មោះអេ ពូថា ភេទប្រុសអាយុ៥០ឆ្នាំ មុខរបររត់កង់បី ស្នាក់នៅភូមិម័រ សង្កាត់សង្កោ ខណ្ឌដង្កោ ។ ចំណែកនារីម៉ាស្សាអាយុ២៩ឆ្នាំ ។
តាមសម្តីពូកង់បីបានឲ្យដឹងថា មុនពេលកើតហេតុរូបគាត់បានផឹកស្រាជាមួយមិត្តភក្តិស្រវឹង ហើយក៏ចូលមករងកន្លែងកោសជប់ ពេលចូលមកដល់ ក៏ហៅនារីខាងលើមកកោសជប់ឲ្យ លុះពលកោសជប់រួចស្រាប់តែយកកាបូបឲ្យលុយថ្លៃម៉ាស្សា ក៏បាត់លុយអស់ចំនួន៨០ដុល្លារ ទើបសួនាំរហូតទាស់សម្តីគ្នាបង្កជាហិង្សារវាយគាត់ឲ្យរបួសទៀតផង ។
តែបើតាមនារីជាអ្នកម៉ាស្សាបានប្រាប់ថា បុរសខាងលើចូលមកម៉ាស្សាកន្លែងគាត់ពេលដែលកោសជប់រួចបុរសខាងលើក៏បបួលនាងរួមភេទ តែនាងមិនព្រមហើយបានចាប់បង្ខំនាងរហូតទ្រាំលែងបានស្រែកឲ្យគេជួយទើបបង្កការភ្ញាក់ផ្អើលដល់ប្រជាពលរដ្ឋ និងសមត្ថកិច្ចចុះអន្តរាគមន៍ ។
ក្រោយពេលកើតហេតុសមត្ថកិច្ចបាននាំភាគីទាំងសងខាងមកដោះស្រាយគ្នា នៅប៉ុស្តិ៍រដ្ឋបាលនគរបាលដើម្បីសាកសួរ ។ ក្រោយពីការសម្របសម្រួលភាគីទាំងសងខាងបានបញ្ចប់រឿងដោយស្មើគ្នា ៕ សុខាសែនជ័យ
នារីជាម្ចាស់ហាងកោសជប់
នារីកោសជប់
បុរសរត់កង់បីដែលមានរឿងរ៉ាវ
