សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ កាលពីវេលាម៉ោង២និង៥០នាទីរសៀល ថ្ងៃទី១៣ ខែមិថុនា ឆ្នាំ២០១៩ មានករណីគ្រោះថ្នាក់ចរាចរណ៍ រថយន្តធុនធំបើកបុករថយន្តចំនួន៥គ្រឿងបន្តគ្នា របួសម្នាក់ ។
សាក្សីឃើញហេតុការណ៍អះអាងថា រថយន្តឃ្លុបដឹកទូកុងតឺន័រមួយគ្រឿងធ្វើដំណើរតាមផ្លូវវេងស្រេង លុះមកដល់ជិតរង្វង់មូលចោមចៅ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ស្រាប់តែទៅបុករះរថយន្តដែលកំពុងស្ទះចរាចរណ៍ចំនួន៥គ្រឿងផងដែរ ។ ប្រភពថា ករណីនេះបណ្តាលឲ្យបុរសម្នាក់រងរបួសធ្ងន់នៅត្រង់ជើង ។
បច្ចុប្បន្ន សមត្ថកិច្ចជំនាញកំពុងពិនិត្យមើលនៅកន្លែងកើតហេតុ ៕ សុខាសែនជ័យ
