សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ជនជាតិញ៉ូហ្សេឡែន គាំងបេះដូងស្លាប់ នៅផ្ទះសំណាក់ជីងជីង(បន្ទប់លេខ៣០៦) ជាន់ទី០៣ ផ្ទះលេខ៨៦E0 ផ្លូវលេខ១៤៨ ក្រុម៣៦ ភូមិ៨ សង្កាត់ផ្សារកណ្ដាលទី២ ខណ្ឌដូនពេញ រាជធានីភ្នំពេញ កាលពីថ្ងៃទី៣០ ខែមិថុនា ឆ្នាំ២០១៩ វេលាម៉ោង១៧និង២០នាទី ។
អធិការនគរបាលខណ្ឌដូនពេញ លោក ទៀង ច័ន្ទសារ បានឲ្យដឹងថា៖ ជនរងគ្រោះឈ្មោះ PARTIDGE RODNEY ROBERT ជនជាតិញ៉ូហ្សេលែន (NEW ZEALAND) អាយុ៦៩ឆ្នាំ មុខរបរ ទេសចរ កាន់លិខិតឆ្លងដែនលេខ ក្រោយពីសភាពការណ៍កើតឡើងកម្លាំងជំនាញខណ្ឌ នឹងប៉ុស្តិ៍បានចុះដល់ ហើយរាយការណ៍ជូនព្រះរាជអាជ្ញា ការិយាល័យ បច្ចេកទេសវិទ្យាសាស្ត្រ ការិយាល័យព្រហ្មទណ្ឌកំរិតធ្ងន់ ការិយាល័យអន្តោប្រវេសន៍ និងលោកគ្រូពេទ្យកោសលវិច្ច័យរាជធានី ដើម្បីបង្កើតគណៈកម្មការ ត្រួតពិនិត្យកោសល្យវិច្ច័យពិនិត្យសព។
ជាលទ្ធផលតាមការពិនិត្យរបស់លោកឧកញ៉ាវេជ្ជបណ្ឌិត នង សុវណ្ណរ័ត្ឋ និងការិ យាល័យជំនាញបច្ចេកទេសបានបញ្ជាក់ថា៖ ជនរងគ្រោះស្លាប់ដោយសារគាំងបេះដូង (អាចបណ្ដាលមកពីជំងឺលើសឈាម)។
សម្ភារៈ ជនរងគ្រោះរួមមាន ៖ លិខិតឆ្លងដែនចំនួន០១ក្បាល លិខិតឆ្លងដែនសញ្ជាតិញ្ញូហ្សេឡែន លេខ, ទូរស័ព្ទដៃសាំសុងពណ៌ខ្មៅចំនួន០១គ្រឿង និងនាឡិកាដៃចំនួន០១គ្រឿង, កាតធនាគារ (ATM)និងកាតផ្សេងៗ ចំនួន០៩សន្លឹក, កុំព្យូទ័រ (laptop)០២គ្រឿង, លុយញូហ្សេឡែន ចំនួន១៥០ដុល្លារ និងលុយថៃចំនួន១២០បាត -និងប័ណ្ណបើកបរចំនួន០២សន្លឹក បានប្រគល់អោយ ការិយាល័យអន្តោប្រវេសន៍ដើម្បីរក្សាទុក។
បន្ទាប់ពីពិនិត្យរួចខាងជំនាញបច្ចេកទេស បានដឹកសាកសពនៅពេទ្យរុស្សី ខណ្ឌចំការមន រាជធានីភ្នំពេញ៕
ដោយ៖ ជ្រោយពេជ្រ
