សារព័ត៌មាន នគរវត្ត តែងតែនាំមុខគេជានិច្ច
ក្រោយជំនួបពិភាក្សាគ្នាជាច្រើនលើកកន្លងមក ពិសេសគឺ ជំនួបលើកចុងក្រោយនៅតំបន់ព្រំដែន ដែលជាជំនួប ត្រីភាគី លើកដំបូង ជាសញ្ញា ឆ្ពោះទៅរកសន្តិភាព នៅឧបទ្វីបកូរ៉េ ។
នៅពេលនេះដែរ រដ្ឋាភិបាលទីក្រុងសេអ៊ូល កំពុងតែត្រួតពិនិត្យ តភ្ជាប់ដំណើរកម្សាន្ត ទៅកាន់ តំបន់រម្មណីយដ្ឋានភ្នំ Kumgang និងទីក្រុង Kaesong នៅកូរ៉េខាងជើង ។ សកម្មភាពខាងលើកើតឡើង ក្រោយពេលទំនាក់ទំនងប្រទេសទាំងពីរល្អប្រសើរ ហើយអាមេរិក និងកូរ៉េខាងជើងត្រៀមពិភាក្សាគ្នា ថ្នាក់ឯកទេស នៅពាក់កណ្តាលខែកក្កដានេះ។
លោក Stephen Biegun បានប្រកាសថា ប្រសិនបើកូរ៉េខាងជើងផ្អាក់ទាំងស្រុង នៅសកម្មភាពផលិតអាវុធ អាមេរិកនិង បន្ធូបន្ថយ ដោយបង្កើនទំនាក់ទំនងការបរទេសទ្វេភាគី ក៏ដូចជាផ្តល់ជំនួយមនុស្សធម៌។ការលើកឡើងខាងលើក្រោយពេលដែល មានជំនួបលើកទីបីនៅតំបន់ព្រំដែនកូរ៉េទាំងពីរ ហើយនៅទីនោះ លោក ត្រាំ បានឈានជើងចូលទឹកដីកូរ៉េខាងជើង ជាលើកដំបូង ក្នុងប្រវត្តិសាស្ត្រប្រធានាធិបតីអាមេរិក ។
ដំណើរទេសចរណ៍ទៅកាន់តំបន់ភ្នុំ Kumgang និង ទីក្រុងKaesong បានចាប់ផ្តើមនៅឆ្នាំ១៩៩៨ ។ នៅពេលកូរ៉េខាងជើងបិទទ្វារតំបន់ឧស្សាហកម្មរួម កេស៊ុងនៅឆ្នាំ២០១៦ ដោយសារតែកូរ៉េខាងជើង បានសាកល្បងគ្រាប់បែកបរមាណូនៅក្រោមដីនិងបាញ់មីស៊ីលជាច្រើនគ្រាប់។
នៅក្នុងកិច្ចពិភាក្សា លើកដំបូងនៅថ្ងៃទី២៧ ខែមេសា ឆ្នាំ២០១៨ និងជំនួបកាលពីខែកញ្ញា ឆ្នាំ២០១៨ មេដឹកនាំកូរ៉េទាំងពីរ បានសម្រេចដំណើរការ ឡើងវិញនៅដំណើរកម្សាន្ត ទៅកាន់ទីតាំងខាងលើ ។ រដ្ឋាភិបាលទីក្រុងសេអ៊ូល សង្ឃឹមថា សកម្មភាពឆ្លងព្រំដែនរវាង ប្រទេសទាំងនឹងធ្វើឲ្យទំនាក់ទំនងកាន់តែប្រសើរឡើង ៕
