សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ មានករណីគ្រោះថ្នាក់ចរាចរណ៍ តាមផ្លូវជាតិលេខ៤ជិតស្ពានកំពង់សីលា វេលាម៉ោង 4.00នាទីល្ងាច ថ្ងៃទី០៧ ខែកក្កដា ឆ្នាំ២០១៩ ចន្លោះគីឡូម៉ែត្រ១៣១-១៣២ ស្ថិតក្នុងភូមិ សម្តេចតា ឃុំចំការហ្លួង ស្រុកកំពង់សីលា ខេត្តព្រះសីហនុ ។
មន្ត្រីកងរាជអាវុធហត្ថបានប្រាប់ឲ្យដឹងថា គ្រោះថ្នាក់ចរាចរណ៍នេះកើតឡើងរវាង រថយន្តបែន ក្បាលពណ៌ត្រួយចេករបស់ក្រុមហ៊ុន SP ពាក់ស្លាកលេខ ភ្នំពេញ 3B-9776 ក្នុងទិសដៅខេត្តព្រះសីហនុ.ភ្នំពេញ បានបុកពីក្រោយរថយន្តមួយគ្រឿងផ្សេងទៀតម៉ាកលុចសុីស RX300 ពាក់ស្លាកលេខ សៀមរាប 2B-8414 ក្នុងទិសដៅស្របទិសគ្នា ដែលបើកបរដោយឈ្មោះ ពឿម ពូច ភេទប្រុស អាយុ៣៧ឆ្នាំ រស់នៅភូមិដូនឳ ឃុំនគរធំ ស្រុកសៀមរាប ខេត្តសៀមរាប ។
ហេតុការណ៍នេះមិនបណ្តាលឲ្យគ្រោះថ្នាក់ដល់អាយុជីវិតមិនមនុស្សឡើយ ក្នុងនោះក្រោយកើតហេតុ កម្លាំងអាវុធហត្ថស្នាក់ ការសន្តិសុខ ៤០២ សហការជាមួយកម្លាំង របស់អធិការដ្ឋាននគរបាលស្រុកកំពង់សីលា ជួយសម្រួលចរាចរណ៍ រីឯវត្ថុតាងរថយន្តទាំងពីរ បានយកទៅរក្សាទុកនៅអធិការដ្ឋាននគរបាលស្រុកកំពង់សីលាដេីម្បីដោះស្រាយបន្តតាមនិតិវិធីច្បាប់ ៕ឆ្លាម សមុទ្រ
