រថយន្តដឹកឥដ្ឋបុករថយន្តហុីណូដឹកខ្សាច់ពីក្រោយរួចជាប់ទៅមុនលែងរួច

ភ្នំពេញ៖ រថយន្តដឹកឥដ្ឋបុករថយន្តហុីណូដឹកខ្សាច់ពីក្រោយរួចជាប់ទៅមុនលែងរួច តែសំណាងល្អពុំបណ្តាលឲ្យអ្នកបើកបររងរបួស ។

គ្រោះថ្នាក់ចរាចរនេះបានកើតឡើងកាលពីម៉ោង១រសៀលថ្ងៃទី០៨ ខែសីហា ឆ្នាំ ២០១៩ ចំណុចមុខផ្លូវចូលឃ្លាំងប្រេងមួយកន្លែងក្នុងភូមិក្តីចាស់​ សង្កាត់បាក់ខែង​ ខណ្ឌជ្រោយចង្វា រាជធានីភ្នំពេញ ។

រថយន្តដឹកឥដ្ឋម៉ាកហ៊ីយ៉ាន់ដាយពណ៌ស ពាកស្លាកលេខ ភ្នំពេញ3D-3190បើកបរ ដោយបុរសម្នាក់ពុំស្គាល់អត្តសញ្ញាណឡើយ ។ ចំណែករថយន្តបើករថយន្តម៉ាក់ហុីណូពណ៌សលាយខៀវពាក់ស្លាកលេខចង្កូតស្តាំPSHN0464 ជារថយន្តរបស់មន្ទីរសាធារណៈការណ៍ក្រុងការដ្ឋានប្រឡាយអូវែងអ្នកបើកបរមិនត្រូវបានស្គាល់ឈ្មោះនោះទេ ។

តាមសាក្សីបានឲ្យដឹងថា នៅមុនពេលកើតហេតុ រថយន្តទាំង២គ្រឿងធ្វើដំណើរ ក្នុងទិសដៅស្របគ្នាពីត្បូងទៅជើង ។ នៅពេលធ្វើដំណើរមកដល់កន្លែងកើតហេតុរថយន្តហុីណូដឹកខ្សាច់បានសុីញ៉ូភ្លើងបត់ឆ្វេង ស្រាប់តែរថយន្តម៉ាកហុីយ៉ាន់ដាយដឹកឥដ្ឋដែលបើពីក្រោយនៅខាងឆ្វេងដៃក៏បានបុករថយន្តហុីណូផ្នែកបណ្តាលឲ្យរថយន្តទាំងសងខាងរងការខូចខាតគឺរថយន្តហុីណូបែកធុងប្រេងកំពប់ហៀរពេញផ្លូវរីឯរថយន្តហុីយ៉ាន់ដាយខូចខាតកំណាត់មុខ ។

បន្ទាប់ពីកើតហេតុសមត្ថកិច្ចនគរបាលជំនាញចរាចរចុះមកវាស់វែង រួចនាំរថយន្តទាំង២បញ្ជូនទៅកាន់ការិយាល័យចរាចរផ្លូវគោក រង់ចាំដោះស្រាយគ្នានៅពេលក្រោយ៕ជ្រោយពេជ្រ