សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ដុតធូបថ្ងៃសីលធ្លាក់កំទិចភ្លើងធូបឆាបឆេះអាសនៈក្នុងផ្ទះមួយកន្លែង បង្កអោយមានការភ្ញាក់ផ្អើលដល់ប្រជាពលរដ្ឋនៅជិតខាងយកបំពង់ពន្លត់អគ្គិភ័យ២បំពង់ជួយបាញ់មិនរលត់ ហើយសមត្ថកិច្ចហៅរថយន្តពន្លត់អគ្គិភ័យ៥គ្រឿងជួយអន្តរាគមន៍។
ហេតុការណ៍នេះបានកើតឡើងកាលពីម៉ោង១និង១៥នាទីរសៀល ថ្ងៃទី១៣ ខែកញ្ញាឆ្នាំ២០១៩ នៅផ្ទះលេខ២០ ផ្លូវលេខ៥៩ ក្នុងបុរីសុភមង្គល សង្កាត់-ខណ្ឌជ្រោយចង្វា។ សមត្ថកិច្ចបានឲ្យដឹងថា ម្ចាស់ផ្ទះមានឈ្មោះលន់ រស់ ភេទស្រីអាយុ៣៥ឆ្នាំ មានមុខរបរបោកអ៊ុតខោអាវ ។
ប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុម្ចាស់ផ្ទះបានដុតធូបនៅជាន់ទី១ ពេលដុតរួចរូបគាត់បានចុះមកហូបបាយនៅខាងក្រោម ខណៈកំពុងហូបបាយស្រាប់តែមានឮផ្ទុះចេញពីជាន់ទី១ មានផ្សែងខ្មួរខ្មាញ់បែបនេះ ក៏ស្រែកឆោឡោ អ្នកជិតខាងមកជួយភ្លាមៗនោះ យកបំពងលពន្លត់អគ្គិភ័យចំនួន២បំពង់មកជួយអន្តរាគមន៍បាញ់ពន្លត់ ខ្លះយកទុុយយោបាញ់ទឹកមកជួយបាញ់ពន្លត់ និងបានហៅរថយន្តពន្លត់អគ្គិភ័យរថយន្តទីក្រុងរណបជ្រោយចង្វាចំនួន៥គ្រឿងអន្តរាគមន៍បាញ់អស់មួយគ្រឿង
រយះពេលប្រហែល១៥នាទី ទើបរលត់អស់ទៅវិញ និងមិនបណ្តាលអោយមនុស្សណាម្នាក់រងរបួសនោះឡើយ ៕ ជ្រោយពេជ្រ
