សារព័ត៌មាន នគរវត្ត តែងតែនាំមុខគេជានិច្ច
វិវាទរវាងអ៊ីរ៉ង់ នឹងបណ្តាប្រទេសនៅក្នុងតំបន់ កាន់តែកើនឡើងខ្ពស់ ពិសេសជាមួយអ៊ីស្រាអែល និងអារ៉ាប៊ី សាអូឌីត ក្រោយពេលបណ្តាប្រទេសលោកខាងលិច ចោទអ៊ីរ៉ង់ជាអ្នកវាយប្រហារ ។
អាមេរិក និងអ៊ីស្រាអែល អារ៉ាប់ នៅតែមិនអាច វាយប្រហារអ៊ីរ៉ង់បានឡើយ ដោយអ៊ីរ៉ង់ មានមន្ត្រី អ្នកឯកទេសយោធាដែលមានបទពិសោធនៅក្នុងការធ្វើសង្គ្រាមខ្ពស់ ។ ពេលថ្មីៗនេះអ៊ីរ៉ង់ បានចោទប្រកាន់អ៊ីស្រាអែលប៉ុនប៉ងធ្វើឃាតមេបញ្ជាការកងទ័ពបដិវត្តន៍ឥស្លាមអ៊ីរ៉ង់ ។
រដ្ឋាភិបាលទីក្រុងតេអ៊ីរ៉ង់បានចោទប្រកាន់ ភ្នាក់ងារសម្ងាត់អ៊ីស្រាអែល ពីបទឃុបឃិតធ្វើឃាតមេបញ្ជាការកងទ័ពពដិវត្តន៍ឥស្លាមអ៊ីរ៉ង់IRGC ។ ការចោទប្រកាន់ខាងលើធ្វើឡើងក្រោយពេលដែល ក្រសួងសន្តិសុខជាតិអ៊ីរ៉ង់ បានរារាំងការប៉ុនប៉ងធ្វើឃាតឧត្តមសេនីយ៍ Soleimani ។ ជាមួយគ្នានោះ ក្រុមសន្តិសុខអ៊ីរ៉ង់ចាប់បានជនសង្ស័យ៣នាក់ផងដែរ។
កម្លាំងទាហានបដិវត្តន៍ឥស្លាមអ៊ីរ៉ង់ IRGC កាលពីថ្ងៃទី១០ ខែតុលា បានបញ្ជាក់ថា ក្រុមចារកិច្ចអ៊ីស្រាអែល និងប្រទេសមួយចំនួននៅតំបន់អារ៉ាប នៅពីក្រោយការប៉ុនប៉ងធ្វើឃាត់ ឧត្តមសេនីយ៍ Qassem Soleimani មេបញ្ជាការ IRGC ។
ប្រធានក្រុមចារកិច្ច នៃកម្លាំងបដិវត្តន៍ឥស្លាមអ៊ីរ៉ង់ លោក Hossein Taeb បានឲ្យដឹងថា គម្រោង របស់ក្រុមភេរវកម្មគឺបង្កៃគ្រាប់បែកបំផ្ទុះ ទីតាំងដែល ឧត្តមសេនីយ៍ Soleimani ចូលរួមពីធីបុណ្យ Ashura របស់សាសនាឥស្លាម និកាយស៊ីអ៊ីត កាលពី ខែកញ្ញា ។ ក្រុមភេរវកម្មបានប្រើប្រាស់ រំសេវប្រមាណ៥០០គីឡូក្រាម សម្រាប់វាយប្រហារធ្វើឃាតខាងលើ ។
អ៊ីរ៉ង់បានចោទប្រកាន់ ភេរវករ៣នាក់ដែលចាប់បាននោះ ឡើងគម្រោងវាយប្រហារ តាមការបញ្ជារបស់ក្រសួងចារកិច្ចអ៊ីស្រាអ៊ែលនិងប្រទេសអារ៉ាប។ គម្រោងធ្វើឃាតខាងលើ បានរៀបចំជាច្រើនឆ្នាំកន្លងមក ប៉ុន្តែមិនទាន់មានឱកាសនៅក្នុងការវាយប្រហារ ៕
