សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះវិហារ ៖ គួរអោយសោកស្តាយណាស់ សត្វប្រើសមួយក្បាលបានងាប់ ដោយសារតែអាការៈរបួសធ្ងន់ធ្ងរពេក នៅគ្រាដែលវាបានរត់ចូលភូមិអ្នកស្រុក ហើយបានព័ទ្ធចាប់ក្នុងគោលបំណងលែងនាំចូលព្រៃធម្មជាតិវិញ ។
ប្រភពព័ត៌មានអោយដឹងថា សត្វប្រើស១ក្បាលនេះបានរត់ចូលភូមិអ្នកស្រុក នៅវេលាម៉ោង៥ទៀបភ្លឺថ្ងៃទី៧ ខែតុលា ឆ្នាំ២០១៩ នៅភូមិពោធិ ឃុំពោធិ ស្រុកត្បែងមានជ័យ ខេត្តព្រះវិហារ ។
លោកវិរះសេនិយ៍ទោ រិទ្ឋ សូណា អធិការស្រុកត្បែងមានជ័យបន្ទាប់ពីទទួលបានដំណឹងនេះ កម្លាំងសមត្ថកិច្ច រួមជាមួយកម្លាំងអភិរក្សដែនជម្រកសត្វព្រៃព្រះរការ បងប្អូនប្រជាពលរដ្ឋ និងព្រះសង្ឃបានព័ទ្ឋចាប់បាន ក្នុងបំណង យកទៅលែងក្នុងព្រៃធម្មជាតិវិញឲ្យមានសេរីភាព ប៉ុន្តៃគួអោយសោកស្តាយដោយសារប្រើសនោះមានរបួសដឹកដល់ពាក់កណ្តាលផ្លូវបានងាប់ ។
យោងតាមតាមជំនឿរចាស់បុរាណបាននិយាយតៗគ្នាថា បើមានសត្វព្រៃចូលភូមិ ទំនាយទាយថា ស្រុកមានប្រផ្នូរមិនល្អ អាចមានគ្រោះអត់ឃ្លាន តែមិនអីទេ ព្រោះព្រះសង្ឃបានប្រោះព្រុំជីយន្តោរួចរួចហើយ ៕ វណ្ណៈ
