សារព័ត៌មាន នគរវត្ត តែងតែនាំមុខគេជានិច្ច
ខេត្តព្រះសីហនុ៖ នៅព្រលប់ថ្ងៃទី១១ ខែតុលាឆ្នាំ២០១៩ កម្លាំងជំនាញអធិការដ្ឋាននគរបាលស្រុកព្រៃនប់ បានចុះបង្ក្រាបករណីគ្រឿងញៀន នៅចំណុចជញ្ជីងថ្លឹងឡាន ស្ថិតក្នុងភូមិអូរឧកញ៉ាហេង ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ ។
កម្លាំងបានឃាត់ខ្លួនជនសង្ស័យបានម្នាក់ឈ្មោះ យី សាយ័ន្ត ភេទប្រុស អាយុ២៨ឆ្នាំ មានទីលំនៅភូមិបត់គគី ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ មុខរបរ មិនពិតប្រាកដ។
ជាមួយគ្នានេះ កម្លាំងបានដកហូត វត្ថុតាងរួមមាន៖ ម្សៅក្រាមសារធាតុញៀនចំនួន៧កញ្ចប់ ដែកឆាប ០១ដើម និងទូរស័ព្ទដៃចំនួន ២គ្រឿង ។
បច្ចុប្បន្នសមត្ថកិច្ចកំពុងកសាងសំណុំរឿងដើម្បីបញ្ជូនទៅសាលាដំបូងចាត់ការតាមច្បាប់ ៕ ឆ្លាម សមុទ្រ
