សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ ជនសង្ស័យ៣នាក់ត្រូវបានកម្លាំងសម្ថកិច្ចស្រុកសន្ទុកឃាត់ខ្លួនដោយចោទពីបទលួចជ័រកៅស៊ូរបស់ក្រុមហ៊ុនវៀតណាម ។
ហេតុការណ៍ចាប់ឃាត់ខ្លួនជនសង្ស័យទាំងនេះ បានកើតឡើងនៅថ្ងៃទី១៦ ខែតុលា ឆ្នាំ២០១៩ វេលាម៉ោង០៦និង៣០ នាទី ព្រឹក នៅចំណុចតំបន់ក្បាលឡាន ភូមិសាស្រ្តភូមិថ្មសំលៀង ឃុំក្រយា ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា ជនសង្ស័យ ដូចខាងក្រោម ១ ឈ្មោះ សំ ភាក់ ភេទប្រុស អាយុ ៤២ ឆ្នាំ នៅភូមិទួលទ្រា ស្រុកត្បូងឃ្មុំ ខេត្តត្បូងឃ្មុំ បច្ចុប្បន្នមកស្នាក់នៅតំបន់ក្បាលឡាន ភូមិសាស្រ្តភូមិថ្មសំលៀងឃុំក្រយាស្រុកសន្ទុកខេត្តកំពង់ធំ ( ជាអ្នកទិញ លក់ ជ័រ) មធ្យោបាយ ដឹកជញ្ជូន ដោយរថយន្តកែឆ្នៃ បុកស័រ(ចាប់ឃាត់ខ្លួន) ។ ២ ឈ្មោះ ផាន់ នុន ប្រុសអាយុ 18 ឆ្នាំ ស្នាក់នៅតំបន់ក្បាលឡាន ភូមិថ្មសំលៀង ស្រុកសន្ទុកខេត្តកំពង់ធំ ជាអ្នកបើកបររថយន្តបុកស័រ (ឃាត់ខ្លួន) ។ ៣ ឈ្មោះ ចិត្ត វ៉ាន់ ភេទប្រុសអាយុ 19 ឆ្នាំនៅភូមិអូរពីឃុំដងក្តាស្រុកស្ទឹងត្រង់ខេត្តកំពង់ចាម ជាកម្មករ (ឃាត់ខ្លួន) ។ មានមធ្យោបាយ ម៉ូតូ C125 ស៊េរី2015មួយគ្រឿង ។ រថយន្តបុកស័រមួយគ្រឿងនិងជ័រកៅស៊ូបង្កកចំនួន1581kg ។
បច្ចុប្បន្ន សមត្ថកិច្ច កំពុងស្រាវជ្រាវនិងកសាងសំនុំរឿងតាមនិវិធីចាត់ការតាមច្បាប់ ៕ ប៊ុនរិទ្ធី
