សារព័ត៌មាន នគរវត្ត តែងតែនាំមុខគេជានិច្ច
វិបត្តិនៅកោះហុងកុង មិនទាន់មានសញ្ញាបញ្ចប់នៅឡើយទេហើយមេដឹកនាំកោះហុងកុង ក៏មិនទាន់មានវិធានការអ្វីដើម្បីបញ្ចប់វិបត្តិនោះដែរ។ ទាំងនោះហើយទីក្រុងប៉េកាំងអាចនឹងផ្លាសប្តូរមេដឹកនាំដើម្បីជួយស្រោចស្រង់ស្ថានភាព សេដ្ឋកិច្ចតំបន់នេះឡើយវិញ កំឲ្យធ្លាក់កាន់តែជ្រៅ។
សារព័ត៌មាន Financial Times បានផ្សាយថា រដ្ឋាភិបាលទីក្រុងប៉េកាំង មានគម្រោងផ្លាស់ប្តូរមេដឹកនាំកោះហុងកុង លោកស្រី Carrie Lam ជំនួសវិញដោយមេ ដឹកនាំបណ្តោះ អាសន្នថ្មី។
ប្រភពព័ត៌មានបានឲ្យដឹងថា គម្រោងជាក់ស្តែងដែលទីក្រុងប៉េកាំងលើកឡើងគឺ រៀបចំ ផ្លាស់ប្តូរលោកស្រី Carrie Lam នៅ ខែមីនាឆ្នាំ២០២០ ក្រោយមកនឹងដាក់បុគ្គលផ្សេង ទៀតឲ្យដឹកនាំជំនួសនៅឆ្នាំ២០២២ ។
ប្រភពព័ត៌មានបានឲ្យដឹងថា លោក Norman Chan អតីតអគ្គនាយកហិរញ្ញវត្ថុហុងកុងនិង លោក Henry Tang អតីតអគ្គលេខាធិការ គណៈកម្មការកោះហុងកុង ម្នាក់ក្នុងចំណោម២នាក់អាចក្លាយជាមេដឹកនាំកោះហុងកុងជំនួសលោកស្រី Lam ។
នៅក្នុងកិច្ចប្រជុំសម្ងាត់ជាមួយថ្នាក់ដឹកនាំក្រុមហ៊ុន ធំៗនៅកោះហុងកុងកាលពីចុង ខែ កញ្ញា លោកស្រី Lam ប្រកាសថាអាចនឹងលាលែងចេញពីតំណែង ប្រសិនបើអាច ធ្វើ បាន ដោយសារតែ លោកស្រី បានបង្កឲ្យមានមហាបាតុកម្ម ប៉ះពាល់យ៉ាងខ្លាំងដល់ សេដ្ឋកិច្ចនេះ។
បាតុកម្មនោះកោះហុងកុង កើតឡើងតាំងពីខែមិថុនា មកទល់ពេលនេះដោយមិនទាន់ មានសញ្ញា បញ្ចប់នៅឡើយទេ បើទោះបីមេដឹកនាំកោះហុងកុងបាន ដកច្បាប់ ស្តីពីការ ធ្វើបត្យាប័ន ។ ក្រុមបាតុករនៅតែបន្តទាមទាសិទ្ធិក្នុងការជ្រើសរើសមេ ដឹកនាំ រៀងៗខ្លួន៕
