សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ស្ត្រីជនជាតិចិនម្នាក់រួមទាំងប្តីបានរត់ហាត់ប្រាណតាមដងផ្លូវត្រូវជនសង្ស័យម្នាក់ជិះម៉ូតូមកឆក់កាបូបស្ពានបានសម្រេចតែរត់មិនរួចត្រូវបានប្រជាពលរដ្ឋដេញចាប់ឃាត់ខ្លួនភ្លាមៗតែម្តង ។
ហេតុការណ៍នេះបានកេីតឡេីងកាលពីវេលាម៉ោង១៨និង៣០នាទី ថ្ងៃទី២៨ ឆ្នាំ២០១៩ នៅចំណុចមុខអាជ្ញាធរប្រេងកាត តាមបណ្តោយមហាវិថីសហព័ន្ធរុស្ស៊ី ភូមិប៉ប្រកជេីង សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
ជនសង្ស័យឈ្មោះឃឹម សុភត្រា ភេទប្រុស អាយុ១៩ឆ្នាំ មុខរបរមិនពិតប្រាកដ ស្នាក់នៅបុរីលឹមឈាងហាក់ សង្កាត់ដង្កោ ខណ្ឌដង្កោ រាជធានីភ្នំពេញ។
ចំណែកជនរងគ្រោះឈ្មោះLiu Jian Ming ភេទស្រីជាជនជាតិចិនស្នាក់នៅសង្កាត់ទឹកថ្លា ខណ្ឌសែនសុខ រាជធានីភ្នំពេញ។
តាមប្រភពព័ត៌មានបានឲ្យដឹងថា មុនពេលកេីតហេតុ គេបានឃេីញស្ត្រីរងគ្រោះនិងប្តីបានដេីរថ្មេីជេីងដេីម្បីហាត់ប្រាណ តាមបណ្តោយមហាវិថីសហព័ន្ធរ៉ុស្ស៊ី ក្នុងទិសដៅពីកេីតទៅលិច ដោយមានស្ពានការបូបលុយជាប់និងខ្លួន ខណៈមកដល់ចំណុចកេីតហេតុស្រាប់តែមានជនសង្ស័យម្នាក់ជិះម៉ូតូម៉ាកស្កូបពី ពាក់ស្លាកលេខភ្នំពេញ1HT5423 មកពីក្រោយក៏ឆក់ កាបូបពីជនរងគ្រោះភ្លាមនោះជនរងគ្រោះក៏កញ្ឆក់មកវិញបណ្តាលឲ្យជនសង្ស័យដួលម៉ូតូទេីបប្រជាពលរដ្ឋចាប់និងរាយការណ៍ទៅនគរបាលឃាត់ខ្លួនយកទៅសួរនាំ និងចាត់ការតាមច្បាប់។
បច្ចុប្បន្នជនសង្ស័យត្រូវបានឃុំខ្លួនបណ្តោះអាសន្នរងចាំបញ្ជូនទៅតុលាការចំណែកការបូបលុយត្រូវបាននគរបាលប្រគល់ជូនជនរងគ្រោះវិញ៕ សុខាសែនជ័យ
