សារព័ត៌មាន នគរវត្ត តែងតែនាំមុខគេជានិច្ច
ការព្រមានគ្នាទៅវិញទៅមករវាងអ៊ីស្រាអែល នឹងអ៊ីរ៉ង់ ក្លាយទៅជាទម្លាប់ទៅហើយ ដោយប្រទេសទាំងពីរបានព្រមានគ្នាអត់ឈប់ឈរនាពេលកន្លងមក ។នៅពេលនេះមេបញ្ជាការកងកម្លាំងការពារជាតិអ៊ីស្រាអែល បានចេញមុខ មកអះអាងថា ប្រទេសរបស់លោក នឹងមិនព្រឺរោម ចំពោះសកម្មភាពគំរាមកំហែងយោធារបស់ប្រទេសអ៊ីរ៉ង់ នោះឡើយ។
លោកឧត្ដមសេនីយ៍ Aharon Haliva ប្រធាននាយកដ្ឋានប្រតិបត្ដិការ នៃកងកម្លាំងការពាជាតិអ៊ីស្រាអែល បានព្រមាន កាលពីថ្ងៃទី៥ ខែវិច្ឆិកា ម្សិលមិញ ថា នៅឆ្នាំក្រោយនេះ ជាបរិយាកាស មិនអំណោចផលល្អ សម្រាប់ប្រទេសអ៊ីស្រាអែល នោះឡើយ។ សកម្មភាពរបស់ប្រទេសអ៊ីរ៉ង់ នាពេលនេះ បានបង្ហាញពីសញ្ញាអវិជ្ជមានដល់សន្ដិសុខរបស់អ៊ីស្រាអែល។ បច្ចុប្បន្នកងទ័ពអ៊ីស្រាអែល មានការប្រឈមមុខថ្មីមួយ នៅក្នុងប្រទេសអ៊ីរ៉ាក់ និងកងកម្លាំងឃឺដអ៊ីរ៉ង់ នៅតំបន់ខ្ពស់រាប Golon។
យោងតាមការលើកឡើងរបស់លោកឧត្តមសេនីយ៍ បានបញ្ជាក់ថា កាលពីប៉ុន្មានខែកន្លងមកនេះ ស្ថានភាពរស់នៅរបស់ប្រជាពលរដ្ឋអ៊ីស្រាអែល មានភាពសុខសាន្ដ និងសន្ដិសុខល្អ។ ទោះជាយ៉ាងណា អ៊ីស្រាអែល កំពុងតែយុទ្ធនាការសង្រ្គាម ដើម្បីសង្រ្គាម ចាប់តាំងពីឆ្នាំ២០១៣ ក្នុងគោលបំណងរារាំងប្រទេសអ៊ីរ៉ង់ និងសម្ពន្ធមិត្តរបស់ប្រទេសនេះ មានដូចជា ក្រុមហេសប៊ូឡាហ៍ ពីការទទួលបាននូវគ្រឿងសព្វាវុធដ៏ទំនើបៗ សម្រាប់ប្រើប្រាស់ប្រឆាំងនឹងរដ្ឋជ្វីព។
មន្រ្ដីជាន់ខ្ពស់ក្រសួងការពារជាតិអ៊ីស្រាអែល បានព្រមានថា ក្នុងរយៈពេលប៉ុន្មានខែកន្លងមកនេះ មានការលេចចេញនូវការគំរាមកំហែង ពីប្រទេសអ៊ីរ៉ង់ មកលើសន្ដិសុខរបស់អ៊ីស្រាអែល។ អ៊ីរ៉ង់មានគោលបំណង់ឆ្លើយតបការវាយប្រហាររបស់អ៊ីស្រាអែល ទៅលើអ៊ីរ៉ង់ កងជីវពលគាំទ្រដោយអ៊ីរ៉ង់ និងងហេដ្ឋារចនាសម្ព័ន្ធ។
លោកឧត្ដមសេនីយ៍ ក៏បានបន្ដថា សព្វថ្ងៃ មានការគំរាមកំហែងទៅលើតំបន់ភាគខាងជើង ខាងកើត និងភាគខាងត្បូង នៃប្រទេសអ៊ីស្រាអែល។ គ្រាប់រ៉ុក្កែត បានបាញ់តម្រង់ទៅកាន់តំបន់ Golan ហើយក៏មានរ៉ុក្កែតដទៃទៀតបាញ់ចេញពីតំបន់ Gaza Strip តម្រង់ទៅកាន់តំបន់ Ashkelon នៅក្នុងអំឡុងពេលយុទ្ធនាការស្វែងរកសំឡេងឆ្នោត របស់លោកនាយករដ្ឋមន្រ្ដី Benjamin Netanyahu ។
លោកឧត្តមសេនីយ៍ Amikam Norkin មេបញ្ជាការកងទ័ពអាកាសអ៊ីស្រាអែល បានថ្លែងថា ការប្រកួតប្រជែងលើវិស័យការពារដែនអាកាស កំពុងតែក្លាយជាបញ្ហាស្មុគស្មាញខ្លាំងបំផុត។ កត្ដាទាំងនេះនាំឲ្យមានការគំរាមកំហែងដោយមីស៊ីល និងរ៉ុក្កែត នាពេលនេះ គឺជាការវាយប្រហារពីយន្ដហោះគ្មានមនុស្សបើកបរ និងមីស៊ីល។ ទោះជាយ៉ាណា អ៊ីស្រាអែល មាន ប្រព័ន្ធមីស៊ីលការពារមីស៊ីល ជាច្រើន រួមមាន Arrow, Patriot, David’s Sling និង Iron Dome ក៏អាចការពារនូវការគំរាមកំហែងទាំងពីអ៊ីរ៉ង់បានយ៉ាងមានប្រសិទ្ធភាព។
ប្រព័ន្ធផ្សព្វផ្សាយ ជាភាសា Hebrew បានព្រមានជាច្រើនថ្ងៃមុននេះនូវការកែតម្រូវជាបន្តបន្ទាប់ ចំពោះប្រព័ន្ធការពារដែនអាកាសរបស់ IAF ដោយសារការភ័យខ្លាចថា អ៊ីរ៉ង់អាចព្យាយាមអនុវត្តការវាយប្រហារដោយប្រើមីស៊ីល តាមកាណូត ឬយន្តហោះគ្មានមនុស្សធ្វើអត្តឃាត ស្រដៀងនឹងការវាយប្រហារ កាលពីខែតុលា ប្រឆាំងនឹងទីតាំងផលិតប្រេងរបស់ប្រទេស អារ៉ាប៊ីសាអូឌីត៕
