សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បើករថយន្តមួយគ្រឿង ដឹកឆាកតន្ត្រីចុះពីលើស្ពានហង្សកោះពេជ្រ ដាច់ហ្វ្រាំង រេចង្កូតបុកសួនច្បារ និងរថយន្តមួយគ្រឿងទៀត នៅមុខខុនដូបាលី២ រងការខូចខាតយ៉ាងដំណំ តែមិនបង្កឲ្យមានអ្នករងរបួសនោះទេ ។
ហេតុការណ៍គ្រោះថ្នាក់ចរាចរណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង ១១ និង ២០នាទីយប់ ថ្ងៃទី២៥ ខែវិច្ឆិកា ឆ្នាំ២០១៩ ស្ថិតនៅចំណុចមុខ ខុនដូបាលី ២ ខាងលិចស្ពានហង្សកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋដែលឃើញហេតុការណ៍នេះបានឲ្យដឹងថា មុនកើតហេតុគេឃើញបុរសម្នាក់បើករថយន្តមួយគ្រឿងដឹកឆាកតន្ត្រី ពណ៌ស ពាក់ស្លាកលេខ ភ្នំពេញ 3C-7469 ធ្វើដំណើរចុះពីលើស្ពានហ្សងកោះពេជ្រ ទិសដៅពីកើតទៅលិច លុះមកដល់ចំណុចកើតហេតុខាងលើ ស្រាប់តែរថយន្តដាច់ហ្វ្រាំងរេចង្កូចមកខាងឆ្វេងដៃជ្រុលទៅបុករះសួនច្បារ និងរថយន្ត កូរ៉ូឡាមួយគ្រឿងទៀត ពណ៌ស ពាក់ស្លាកលេខ ភ្នំពេញ 2AI-0029 ដែលម្ចាស់បើកមកឈប់រង់ចាំដឹកភ្ញៀវ ក្នុងទិសដៅលិចកើតបណ្តាលឲ្យរងការខូចខាតសួនផ្ការ និងរថយន្តយ៉ាងដំណំ តែមិនបណ្តាលឲ្យមានអ្នករងរបួសទេ ។
ក្រោយកើតហេតុ សមត្ថកិច្ចមូលដ្ឋានបានចុះមកដល់ដោយភាគីបង្កសូមធ្វើការសម្របសម្រួលជាមួយខាងម្ចាស់ខុនដូ និងរថយន្តរងគ្រោះដើម្បីបញ្ចប់រឿងនៅនឹងកន្លែងកើតហេតុ ៕ ភារ៉ា ដង្កោ
