សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នារីម្នាក់សង្ស័យប្រើថ្នាំញៀនលើសកម្រិតយកកូនស្រីទើបអាយុបាន៩ថ្ងៃជ្រលក់ទឹកទន្លបង្កការភ្ញាក់ផ្អើលដល់ប្រជាពលរដ្ឋជួយសង្គ្រោះក្មេង ។
ហេតុការណ៍នេះ បានកើតឡើងកាលពីវេលាម៉ោង៦ព្រលប់ ថ្ងៃទី២៥ ខែវិច្ឆិកា ឆ្នាំ២០១៩ ស្ថិតតាមមាត់ទន្លេក្នុងតំបន់មិនរៀបរយ ភូមិផ្សារតូច សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ ។
ស្ត្រីជាម្តាយត្រូវបានគេស្គាល់ថាឈ្មោះ ទូច គឹមសៀងហៃ អាយុ២៤ឆ្នាំ មានទីលំនៅក្រុមទី១៤ ភូមិផ្សារតូច សង្កាត់ទួលង្កែទី១ ខណ្ឌឫស្សីកែវ រាជធានីភ្នំពេញ ។ កូនស្រីអាយុថ្លៃឈ្មោះ ច័ន្ទ មុន្នីនាថ អាយុ៩ថ្ងៃ ។
តាមប្រភពព័ត៌មានឲ្យដឹងថា នៅវេលាម៉ោង២និង៣០នាទីរសៀល ថ្ងៃទី២៥ ខែវិច្ឆិកា ឆ្នាំ២០១៩ម្សិលមិញ ស្ត្រីជាម្តាយសង្ស័យថា ប្រើថ្នាំញៀនលើសកម្រិតហើយបានយកកូនស្រីរបស់ខ្លួនអាយុទើបតែបាន៩ថ្ងៃប៉ុណ្ណោះ ដើរឡើងលើស្ពានបន្ទះឈើដែលប្រពលរដ្ឋធ្វើសម្រាប់ងូតទឹក ឬឆ្លងកាត់អែបច្រាំងទន្លេហើយស្ត្រីខាងលើ បានចាប់ជើងកូនឡើងលើជ្រលក់លើកជ្រលក់លើកក្នុងទឹកទន្លេហើយស្រែកគំរាមថា បើអ្នកណាហ៊ានចូលជួយកូននោះ គាត់នឹងទម្លាក់ចូលទឹកតែម្តង ពេលនោះប្រជាពលរដ្ឋដែលឃើញហេតុការណ៍បានព្យាយាមលួងលោមស្ត្រីជាម្តាយ និងបានចាប់បំបែកកូនចេញពីម្តាយដើម្បីជួយសង្គ្រោះកូននោះឲ្យរួចផុតពីគ្រោះមរណៈអស់រយៈពេលជាច្រើនម៉ោងរហូតដល់នៅម៉ោង៦ល្ងាចថ្ងៃដដែល ។
ប្រភពបន្តថាបន្ទាប់ពីបំបែកកូនចេញពីម្តាយហើយនោះ ប្រជាពលរដ្ឋចិត្តបុណ្យបានទិញទឹកដោះគោបំបៅឲ្យកូននោះពេញមួយយប់រហូតដល់ព្រឹកថ្ងៃទី២៦ ខែវិច្ឆិកា ស្ត្រីជាម្តាយបានមកឡាំប៉ាស្រែកយកកូនទៅវិញ តែអ្នកជួយសង្គ្រោះបារម្ភពីសុវត្ថិភាពកូនស្រីនោះ ទើបរាយការណ៍ប្រាប់សមត្ថកិច្ចមូលដ្ឋានដើម្បីរកវិធីជួយក្មេង ។
បន្ទាប់ពីសមត្ថកិច្ចបានដឹងហើយក៏រាយការណ៍ទៅចៅសង្កាត់ដើម្បីឲ្យរកដំណោះស្រាយដើម្បីបញ្ចៀសខ្លាចមានគ្រោះថ្នាក់ជាយថាហេតុណាមួយដល់កូននោះខាងសង្កាត់ក៏ចាត់ចែងហៅម្តាយក្មេងទៅនិយាយហើយស្ត្រីជាម្តាយក៏ប្រគល់កូនតូចរបស់ខ្លួនទៅសង្គមកិច្ចខណ្ឌឫស្សីកែវដើម្បីមើលថែ ៕ អារុណរះ
