សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ កម្មករម្នាក់ចុះបេះត្រកួនរអិលជើងធ្លាក់ចូលទឹកស្រះបណ្តាលឱ្យលង់ទឹកស្លាប់ ។ ហេតុការណ៍នេះ បានកើតឡើងនៅវេលាម៉ោង១៥និង៣០នាទី ថ្ងៃទី២៧ ខែវិច្ឆិកា ឆ្នាំ២០១៩ ស្ថិតនៅ ភូមិគោកត្នោត សង្កាត់គោកចក ក្រុងខេត្តសៀមរាប ខេត្តសៀមរាប។
សមត្ថកិច្ចបានឲ្យដឹងថា ជនរងគ្រោះ ឈ្មោះ ឆម ឈឿត ភេទប្រុស អាយុ៣២ឆ្នាំ មុខរបរកម្មកររស់នៅក្នុងភូមិ សង្កាត់កើតហេតុខាងលើ។
សមត្ថកិច្ចបានបញ្ជាក់ថា ករណីគ្រោះថ្នាក់មួយនេះ បានកើតឡើងដោយសារមូលហេតុ ជនរងគ្រោះ បានចុះទៅបេះត្រកួន ហើយរអិលជើងធ្លាក់ចូលទឹកស្រះ។ ជនរងគ្រោះមិនចេះហែលទឹក ទើបបណ្តាលលង់ស្លាប់ យ៉ាងដូច្នេះ ។
ក្រោយទទួលព័ត៌មាន សមត្ថកិច្ចនគរបាលបានចុះទៅពិនិត្យ កន្លែងកើតហេតុ និងសាកសពពុំឃើញមានស្លាកស្នាម អ្វីដែលពាក់ព័ន្ធ នឹងបទល្មើសឡើយ ។ ក្រោយពីពិនិត្យរួច សមត្ថកិច្ច បានប្រគល់សាកសពឲ្យក្រុមគ្រួសារយកទៅធ្វើបុណ្យតាមប្រពៃណី ៕ប៊ុនរិទ្ធី
