សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទារកម្នាក់ សង្ស័យត្រូវឪពុកម្ដាយយកមកបោះបង់ចោល ក្នុងបរិវេណវត្តព្រះពុទ្ធ ទើបបង្កការភ្ញាក់ផ្អើល នៅវេលាម៉ោង១០ព្រឹកថ្ងៃទី១ ខែធ្នូ ឆ្នាំ២០១៩ ស្ថិត ក្នុងបរិវេណវត្តព្រះពុទ្ធ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ ។
តាមប្រជាពលរដ្ឋបានឲ្យដឹងថា មុនពេលកើតហេតុគេ លឺសំលេងយំង៉ាៗ ស្មានតែឆ្មាយំ លុះរកមើលឃើញទារិកម្នាក់ សង្ស័យត្រូវឪពុកម្ដាយយកមកបោះបង់ចោល ក្នុងបរិវេណវត្តព្រះពុទ្ធ និងមានសំភារៈទារកនៅក្បែរនោះដែរ មើលទៅទំនងជាឃ្លានខ្លាំងហើយ ទើបលើកមកបី និងរកទិញទឹកដោះគោឲ្យញាំ និងផ្ដល់ដំណឹងដល់វិទ្យុABC និងសមត្ថកិច្ចមូលដ្ឋានខណ្ឌ៧មករា ឲ្យចុះមកពិនិត្យមើល ។
បច្ចុប្បន្នទារកនេះកំពុងប្រគល់ឲ្យក្រុមការងារវិទ្យុABCយកទៅមន្ទីរពេទ្យ ដើម្បីពិនិត្យមើលសុខភាព និងជាអ្នកមើលថែបន្តផងដែរ ៕ សរស្មី
